सप्टेंबर महिन्याच्या पहिल्याच दिवशी ग्राहकांना महागाईचा धक्का बसला असून तेल विपणन कंपन्यांनी 19 किलोच्या व्यावसायिक एलपीजी सिलिंडरच्या किमती वाढवल्या आहेत.
व्यावसायिक गॅस सिलिंडरच्या दरात ३९ रुपयांनी वाढ झाली आहे. नवीन दर रविवार म्हणजेच 1 सप्टेंबर 2024 पासून लागू झाले आहेत. या वाढीनंतर राजधानी दिल्लीत 19 किलो एलपीजी सिलेंडरची किंमत 1,691.50 रुपये झाली आहे. यापूर्वी 1 जुलै रोजी तेल विपणन कंपन्यांनी व्यावसायिक एलपीजी गॅस सिलिंडरच्या किमतीत कपात करण्याची घोषणा केली होती, तेव्हा 19 किलोच्या सिलेंडरची किंमत 30 रुपयांनी कमी करण्यात आली होती.
ऑइल मार्केटिंग कंपन्यांनी (OMCs) 19 किलोच्या व्यावसायिक LPG सिलिंडरच्या किमतीत वाढ केली आहे, पण घरगुती LPG सिलेंडरच्या किंमतीत कोणताही बदल झालेला नाही. राष्ट्रीय राजधानी दिल्लीत घरगुती एलपीजी सिलिंडरची किंमत 803 रुपये आहे, तर कोलकातामध्ये 14 किलोचा सिलेंडर 829 रुपयांना विकला जात आहे. मुंबईत एलपीजीची किंमत 802.5 रुपये आहे, तर चेन्नईमध्ये घरगुती गॅस सिलिंडर 918.5 रुपयांना विकला जात आहे.
Discussion about this post