पदवीधर झाल्यानंतर बँक भरतीची तयारी करणाऱ्या उमेदवारांसाठी एक आनंदाची बातमी आहे. स्टेट बँक ऑफ इंडियाने (SBI) स्पेशलिस्ट ऑफिसर (SO) पदांसाठी भरती जाहीर केली आहे. इच्छुक उमेदवार २३ डिसेंबरपर्यंत बँकेच्या अधिकृत वेबसाइट, sbi.bank.in/careers द्वारे अर्ज करू शकतात. अर्ज प्रक्रिया २ डिसेंबरपासून सुरू झाली. बँकेने एकूण ९९६ स्पेशलिस्ट ऑफिसर पदांसाठी अर्ज मागवले आहेत.
स्टेट बँकेत विविध पदांसाठी ही भरती होणार आहे. स्टेट बँकेत चांगल्या पदावर नोकरी करण्याची ही उत्तम संधी आहे. या नोकरीसाठी उमेदवारांना कोणतीही परीक्षा द्यायची नाहीये. तुमची निवड शॉर्टलिस्टिंग आणि इंटरव्ह्यूद्वारे होणार आहे.
रिक्त पदांचा तपशील
अधिकृत रिक्त पदांच्या अधिसूचनेनुसार, एकूण पदांमध्ये ५०६ व्हीपी वेल्थ (SRM), २०६ एव्हीपी वेल्थ (RM) आणि २८४ कस्टमर रिलेशनशिप एक्झिक्युटिव्ह पदांचा समावेश आहे.
काय आहे पात्रता
वीपी हेल्थ पदासाठी उमेदवारांना ग्रॅज्युएशन पूर्ण केलेले असावे. याचसोबत ६ वर्षांचा अनुभव असायला हवा. एवीपी वेल्थ पदासाठी ग्रॅज्युएशन आणि मॅनेजर पदावर ३ वर्षांचा कामाचा अनुभव असावा. कस्टमर रिलेशनशिप एक्झिक्युटिव्ह पदासाठी ग्रॅज्युएशन पूर्ण झालेले असावे.
किती पगार मिळेल
वीपी हेल्थ पदासाठी ५०६ रिक्त पदे आहेत. या पदासाठी ४४.७० लाख रुपये पॅकेज मिळणार आहे. एवीपी हेल्थ पदासाठी ३०.२० लाख रुपये पगार मिळणार आहे. कस्टमर रिलेशनशिप एक्झिक्युटिव्ह पदासाठी ६.२० लाख रुपये पॅकेज मिळणार आहे. एकूण ९९६ पदांसाठी भरती केली जाणार आहे.
अर्ज कसा करावा?
सर्वात आधी sbi.bank.in वर जा.
यानंतर तुम्हाला रजिस्ट्रेशन करायचे आहे. यासाठी पासवर्ड टाका.
यानंतर विंडो रिओपन करुन फॉर्म भरा. यामध्ये तुम्हाला विचारलेली माहिती भरा.
यानंतर फोटो आणि सही अपलोड करतात. अर्ज करताना सामान्य प्रवर्गातील उमेदवारांना ७५० रुपये शुल्क भरायचे आहे.
यानंतर अर्ज सबमिट करुन प्रिंट आउट काढून घ्या.
Discussion about this post