तुम्हीही बॅंकेत नोकरीसाठी प्रयत्न करत असाल तर स्टेट बॅंक ऑफ इंडियामध्ये मोठी भरती निघाली आहे. या भरतीद्वारे 150 रिक्त पदे भरण्यात येणार आहेत. या भरतीची नोटिफिकेशन अधिकृत वेबसाइटवर जाहीर करण्यात आले आहे. पदासाठी लागणारी शैक्षणिक अर्हता, वयोमर्यादा, अर्जाची शेवटची तारीख, पगार याचा सविस्तर तपशील देण्यात आला आहे.
एसबीआय एससीओ स्पेशल केडर ऑफिसर या पदासाठी ही भरती जाहीर केली आहे. यासाठी अर्ज करणाऱ्या उमेदवारांनी कोणत्याही विषयातून पदवीचे शिक्षण घेतलेले असणे आवश्यक आहे. तसेच उमेदवाराकडे भारतीय प्रबंध संस्थेचे फॉरेन एक्स्चेंज फॉरेक्सचे प्रमाणपत्र असावे. या पदासाठी निवड झालेल्या उमेदवाराला दरमहा 48 हजार 170 ते 69 हजार 810 रुपये इतका पगार देण्यात येणार आहे.
यासोबतच उमेदवाराकडे कोणत्याही कमर्शियल बॅंकेत ट्रेड फायनान्सशी संबंधित कामाचा अनुभव असावा. येथे त्याच्याकडे किमान 2 वर्षाचा सुपरव्हिजनचे काम करणे अपेक्षित आहे. शैक्षणिक पात्रतेच्या व्यतिरिक्त हा अनुभव ग्राह्य धरला जाईल, याची नोंद घ्यावी.
अर्जाची शेवटची तारीख
या भरती संदर्भातील अर्ज प्रक्रिया सुरु झाली असून उमेदवारांना 27 जून 2024 पर्यंत अर्ज करता येणार आहेत. अर्ज करणाऱ्यापूर्वी उमेदवारांनी नोटिफिकेशन काळजीपूर्वक वाचावे. त्यानंतरच अर्ज करावा. अर्जामध्ये काही त्रुटी आढळल्यास, किंवा दिलेल्या मुदतीनंतर आल्यास अर्ज बाद करण्यात येईल,याची नोंद घ्यावी.
असा करा अर्ज?
अर्ज करताना या स्टेप्स फॉलो करा
अधिकृत वेबसाइटला भेट द्या – bank.sbi/careers
SBI SCO भर्ती अर्ज करा बटणावर क्लिक करा.
नोंदणी क्रमांक मिळविण्यासाठी आवश्यक तपशील भरा
नोंदणी क्रमांक आणि पासवर्ड वापरून लॉग इन करा.
सूचना काळजीपूर्वक वाचा आणि अर्ज भरा.
सबमिशन केल्यावर, एक युनिक क्रमांक तयार केला जाईल.
आवश्यक अर्ज फी भरा (लागू असल्यास).
भविष्यातील संदर्भासाठी अर्ज डाउनलोड करा आणि त्याची प्रिंटआउट घेऊन ठेवा.
Discussion about this post