जळगाव : राज्याच्या गृह विभागाने पोलिस दलातील वरिष्ठ अधिकाऱ्यांच्या पदोन्नती व पदस्थापनेचे आदेश जाहीर केल्या असून यामध्ये नाशिक विभागातील अधिकारी संदीप रघुनाथ गावित यांची पदोन्नतीनंतर अपर पोलिस अधीक्षक (जळगाव) म्हणून नियुक्ती करण्यात आली आहे.
पूरक नियमित निवडसूची २०२४-२५ (भाग-२) नुसार पोलिस उपअधीक्षक / सहाय्यक पोलिस आयुक्त (निशस्त्र) संवर्गातील अधिकाऱ्यांना पोलिस अधीक्षक/पोलिस उपआयुक्त (असंवर्ग) पदावर तात्पुरती पदोन्नती देण्यात आली. या प्रक्रियेत गावित यांच्यावर जळगावची जबाबदारी सोपविण्यात आली आहे.
यापूर्वी जळगाव उपविभागीय अधिकारी म्हणून कार्यरत असलेले गावित यांची काही महिन्यांपूर्वी भुसावळ येथे बदली झाली होती. भुसावळमध्ये कार्यरत असतानाच त्यांना ही पदोन्नती मिळाली आहे. विशेष म्हणजे, भुसावळ येथे कार्यरत असलेल्या २०१४ बॅचमधील अधिकाऱ्यांमध्ये पदोन्नतीची मालिका सुरू असून, सोमनाथ वाकचौरे आणि कृष्णांत पिंगळे यांनाही याच ठिकाणी असताना पदोन्नती मिळाली होती.
Discussion about this post