खुशखबर! भारतीय रेल्वेत तब्बल 11 हजारांहून अधिक पदांसाठी भरती जाहीर

नोकरीच्या शोधात असणाऱ्यांसाठी एक मोठी संधी आहे. विशेष म्हणजे लवकरच भरती प्रक्रियेला सुरूवात होणार आहे.रेल्वे विभागाकडून विविध पदांच्या 11588 पदांसाठी भरती होणार आहे. या भरती प्रक्रियेसाठी वयाची आणि शिक्षणाची अट ही लागू करण्यात आलीये.

केंद्र शासनाची नोकरी करण्याची संधी तुमच्याकडे आहे. 11588 पदांपैकी 8113 पदे पदवीधर प्रवर्गासाठी आणि 3445 पदे पदवीपूर्व प्रवर्गातील उमेदवारांसाठी आहेत. पदवीधर उमेदवार 14 सप्टेंबर 2024 पासून आरामात अर्ज करू शकता. या भरती प्रक्रियेसाठी अर्ज करण्याची शेवटची तारीख ही 13 ऑक्टोबर आहे आणि त्या अगोदरच आपल्याला अर्ज ही करावी लागतील.

पदवीपूर्व पदांसाठी अर्ज करण्याची लिंक 21 सप्टेंबर रोजी उघडेल आणि अर्ज करण्याची शेवटची तारीख 20 ऑक्टोबर 2024 असेल. बाकी भरती प्रक्रियेची सविस्तर माहिती आपल्याला अधिसूचनेमध्ये वाचण्यास मिळेल. या भरती प्रक्रियेसाठी आपल्याला फक्त आणि फक्त ऑनलाईन पद्धतीनेच अर्ज ही करावी लागणार आहेत.

पात्रता काय?
मान्यताप्राप्त विद्यापीठातून पदवी घेतलेले उमेदवार पहिल्या रिक्त पदांसाठी अर्ज करू शकतात. दुसऱ्या भरतीसाठी बारावी पास उमेदवार हे अर्ज करू शकतात. पदवीधर भरती प्रक्रियेसाठी 18 ते 36 वयोगटातील उमेदवार हे आरामात अर्ज करू शकतात. दुसऱ्या भरतीसाठी 18 ते 33 वयोगटातील उमेदवार अर्ज करू शकतात.

भरती प्रक्रियेची सविस्तर माहिती ही आपल्याला rrbapply.in या साईटवर आरामात मिळेल. याच साईटवर जाऊन आपल्याला भरती प्रक्रियेसाठी अर्ज ही करावी लागणार आहेत. या भरती प्रक्रियेसाठी आपल्याला 500 रुपये फीस भरावी लागेल. 250 रुपये फीस ही आरक्षित प्रवर्गातील उमेदवारांना द्यावी लागेल.