रावेर । रावेर लोकसभा मतदारसंघात शरद पवार गटाचा कार्यकर्ता संवाद मेळावा पार पडला. या मेळाव्यात माजी मंत्री सतीश पाटील हे भाषण करत असताना त्यांनी शरद पवार गटाच्या महिला प्रदेशाध्यक्षा रोहिणी खडसे या माघार घेतल्याबाबत भाष्य केले. आम्ही तर शरद पवारांना सांगितले होते की, रावेरमध्ये नणंद भावजयी अशी लढाई होवू द्या, पण रोहिणी खडसेंनीच नकार दिला, असं म्हणत रोहिणी खडसेंना टोला लगावला आहे.
रावेरमधून भाजपने विद्यमान खासदार रक्षा खडसेंना तिसऱ्यांदा उमेदवारी जाहीर केली आहे. त्यांच्या विरोधात शरद पवार गटाकडून एकनाथ खडसे किंवा रोहिणी खडसे लढणार, अशी चर्चा अनेक दिवस रंगली होती. मात्र एकनाथ खडसे आणि रोहिणी खडसे यांनी लोकसभेतून माघार घेतली. त्यानंतर रावेरसाठी शरद पवार गटाकडून उद्योजक श्रीराम पाटील यांना उमेदवारी जाहीर करण्यात आली.
यातच रोहिणी खडसे यांनी घेतलेल्या माघारीवर सतीश पाटील यांनी टोला लगावला आम्ही तर शरद पवारांना सांगितले होते की, रावेरमध्ये नणंद भावजयी अशी लढाई होवू द्या, पण रोहिणी खडसेंनीच नकार दिला. ते जावू द्या पण आता तुम्हाला मुक्ताईनगरची जबाबदारी दिली आहे. तुम्ही आपल्या उमेदवाराला अधिक लीड मुक्ताईनगरमधून मिळवून द्या. म्हणजे तुम्हाला खऱ्या अर्थाने शरद पवारांचे निष्ठावान कार्यकर्ते समजू, असे त्यांनी म्हटले आहे.
Discussion about this post