मुंबई । शिवसेना मनसे राष्ट्रवादी काँग्रेस पक्षाकडून मुंबईत आज सत्याचा मोर्चाचे आयोजन करण्यात आलंय. निवडणूक आयोगाच्या विरोधात राज्यात हा मोर्चा काढला जातोय.
या सत्याच्या मोर्चामध्ये सहभागी होण्यासाठी मनसे अध्यक्ष राज ठाकरे लोकलने निघाले आहेत. राज ठाकरे हे दादरमधून लोकलने चर्चगेटकडे गेले आहेत. अनेक वर्षानंतर राज ठाकरेंनी लोकलने प्रवास केलाय. राज ठाकरेंनी कार्यकर्त्यांसोबत लोकलवारी केली. ते खिडकीच्या जवळच्या सीटवर बसले होते. सर्वसामान्य नागरिकांसोबत राज ठाकरेंनी लोकलने प्रवास केला. चर्चगेट स्थानकावर राज ठाकरेंच्या स्वागतासाठी शेकडो मनसैनिक पोहचलेत.
मुंबईतील सर्वपक्षीय सत्याचा मोर्चा मध्ये सहभागी होण्यासाठी मुंबईच्या कानाकोपऱ्यातून शिवसैनिक मनसैनिक मोठ्या संख्येने सीएसएमटी स्थानकाकडे येण्यासाठी निघाले आहेत. मुंबईच्या चारकोप विधानसभा क्षेत्रातील मनसैनिकांकडून देखील यासाठी तयारी करण्यात आली असून शेकडो मनसैनिक ढोल ताशा वाजवत आता रेल्वेने सीएसएमटीकडे निघाले आहेत. विभाग अध्यक्ष दिनेश साळवी यांच्या नेतृत्वाखाली शेकडो मनसैनिक हातात भगवे झेंडे घेऊन सत्याचा मोर्चामध्ये सहभागी होण्यासाठी निघाले आहेत.
Discussion about this post