फलटण येथील डॉक्टर संपदा मुंडे यांच्या आत्महत्येनंतर राज्यात मोठी खळबळ उडाली. आत्महत्या करण्यापूर्वी संपदा मुंडेने आपल्या तळहातावर नाव लिहित पीएसआय गोपाळ बदने आणि पोलिस कर्मचारी प्रशांत बनकर यांच्यावर गंभीर आरोप केली. संपदा मुंडेंच्या आत्महत्येनंतर काही तासात पोलिसांनी पोलिस कर्मचारी प्रशांत बनकरला अटक केली. मात्र, पीएसआय बदने हा फरार होता. शेवटी गोपाळ बदने रात्री उशिरा फलटण पोलिस ठाण्यात स्वतःहून शरण आला.
फलटण शहरातील एका नामांकित हॉटेलमध्ये डॉक्टर संपदा मुंडेने गळफास घेऊन जीवन संपवले. तिने आपल्या हातावरच आत्महत्येचे कारण लिहिले होते. त्यामध्ये पीएसआय गोपाळ बदने याने चार वेळा बलात्कार केल्याचे, तसेच घरमालक प्रशांत बनकर याने शारीरिक आणि मानसिक छळ केल्याचे नमूद केले होते.
या प्रकारानंतर फलटणसह संपूर्ण महाराष्ट्रात संतापाची लाट उसळली आहे. या घटनेची माहिती मिळताच पोलिसांनी तत्काळ तपासाची चक्रे वेगाने फिरवली. प्रशांत बनकर याला शनिवारी विशेष पथकाने अटक केली. दरम्यान, दुसरा आरोपी पीएसआय गोपाळ बदने याला मुख्यमंत्री देवेंद्र फडणवीस यांच्या आदेशानंतर त्याला निलंबित करण्यात आले आहे. बदने हा रात्री उशिरा फलटण पोलिस ठाण्यात स्वतःहून शरण आला.
गोपाळ बदने काय म्हणाला?
“मी प्रामाणिक आहे. न्यायालय जो काही निर्णय देईल, त्यावर माझा विश्वास आहे. माझा पोलीस प्रशासनावरही विश्वास आहे,” असे गोपाळ बदने याने पोलिसांसमोर शरण आल्यानंतर माध्यमांना प्रतिक्रिया दिली आहे.
Discussion about this post