मुंबई : देशात सध्या सणासुदीचे दिवस सुरु झाले आहे. मात्र याच दरम्यान सोने आणि चांदी दरात पुन्हा उसळी घेतल्याने ग्राहकांना मोठा झटका बसला आहे. दीड महिन्यापूर्वी सोन्याचे दर ७० हजाराखाली आली होते. चांदीतही मोठी घट झाली होती. मात्र आता दोन्ही धातूंच्या किमतीत वाढ झाली.
आज १२ सप्टेंबर रोजी देशात दोन दिवसांच्या तुलनेत आज सोने- चांदीच्या दरात वाढ झाल्याचे दिसून आले. आज देशात १० ग्रॅम २४ कॅरेट सोन्याच दर ७२,२३० रुपये आहे, तर १ किलो चांदीचा दर ८४,५५० रुपये आहे. एकूण आठवड्याभराचा विचार केल्यास सोन्याच्या दरात ५०० ते १००० रुपयांच्या दरम्यान वाढ आणि घसरण दिसून येतेय, तर चांदीचे दरही २०० ते ४०० दरम्यान वाढे आहे.
बुलियन मार्केट या वेबसाइटनुसार, आज देशात २४ कॅरेट १० ग्रॅम सोन्याचे दर ७२,२३० रुपये आहे,तर २२ कॅरेटचे दर ६६,२११ रुपये आहे. याशिवाय १० ग्रॅम चांदीचे दर ८४६ रुपये आहे तर १ किलो चांदी ८४,५५० रुपयांनी विकली जात आहे. त्यामुळे आज गेल्या दोन दिवसांच्या तुलनेत सोन्या-चांदीचे दरात वाढ झाल्याची दिसून आली आहे. मुंबई, पुणे, नाशिक, नागपूर या शहरांमध्येही या दरात चढ उतार झाले आहेत.
आदल्या दिवशीचा म्हणजे ३ सप्टेंबर २०२४ रोजी १० ग्रॅम २४ कॅरेट सोन्याचा दर ७२, २३० रुपये होता, तर १ किलो चांदीचा दर ८४,३९० रुपये होता.यावरुन तुमच्या लक्षात येईल की,आज सोन्याचे दर कालच्या तुलनेत आज समान आहे पण चांदीच्या दरात मोठी वाढ झाली आहे.
Discussion about this post