पाचोरा । तालुक्यातील खडकदेवळा गावाजवळ धावत्या दुचाकीवरून पडल्याने ३९ वर्षीय विवाहितेचा दुर्दैवी मृत्यू झाला. सरुबाई भिकन पाटील (वय – ३९ वर्ष) रा. सारोळा ता. पाचोरा असे अपघातात मृत्यू झालेल्या विवाहितेचे नाव आहे. या घटनेबाबत पाचोरा पोलीस ठाण्यात अकस्मात मृत्यूची नोंद करण्यात आलीआहे.
सरुबाई भिकन पाटील (वय – ३९ वर्ष) रा. सारोळा ता. पाचोरा असे अपघातात मृत्यू झालेल्या विवाहितेचे नाव आहे. सरुबाई पाटील ह्या पती भिकन पाटील यांचेसह छत्रपती संभाजी नगर येथे नातेवाईकांच्या भेटीसाठी गेल्या होत्या. दरम्यान मंगळवारी १२ मार्च रोजी छत्रपती संभाजी नगर येथुन आपल्या सारोळा या गावी येत असतांनाच खडकदेवळा गावाजवळ रस्त्यांची झालेली दुरावस्था यात मोटरसायकलवर मागे बसलेल्या सरुबाई पाटील यांचा तोल गेल्याने त्या खाली पडल्या व त्यांचा जागीच दुर्दैवी मृत्यू झाला.
घटनेप्रकरणी पाचोरा पोलिस स्टेशनमध्ये अकस्मात मृत्यूची नोंद करण्यात आली आहे घटनेचा पुढील तपास पोलिस निरीक्षक अशोक पवार यांच्या मार्गदर्शनाखाली पोलिस हवालदार विकास खरे हे करीत आहे. मयत सरुबाई पाटील यांचे पाश्चात्य पती, तीन विवाहित मुली, एक मुलगा असा परिवार आहे. अत्यंत शांत व मनमिळाऊ स्वभावाच्या सरुबाई पाटील यांच्या अकस्मात मृत्यूने सारोळा सह परिसरात शोककळा पसरली आहे.
Discussion about this post