तुम्हीही सरकारी नोकरी शोधत असाल तर तुमच्यासाठी ही खास बातमी आहे. भारतीय राष्ट्रीय महामार्ग प्राधिकरणाने भरती जाहीर केली आहे. विशेष तुम्हाला परीक्षेशिवाय सरकारी नोकरी मिळणार आहे. डेप्युटी मॅनेजर पदासाठी भरती जाहीर केली आहे.
टेक्निकल विभागात ही भरती केली जाणार आहे. या नोकरीसाठी तुम्ही nhai.gov.in वर जाऊन अर्ज करु शकतात. या नोकरीसाठी अर्ज करण्याची शेवटची तारीख ९ फेब्रुवारी २०२६ आहे. त्यामुळे तोपर्यंत अर्ज करा.
या नोकरीसाठी अर्ज करणाऱ्या उमेदवाराचे वय ३० पेक्षा जास्त नसावे. या नोकरीसाठी उमेदवारांची निवड GATE २०२५ च्या गुणांच्या आधारित होणार आहे. या नोकरीसाठी उमेदवारांना कोणतीही लेखी परीक्षा द्यावी लागणार नाहीये.
शैक्षणिक पात्रता
एनएचएआयमध्ये (NHAI) नोकरीसाठी अर्ज करणाऱ्या उमेदवारांनी मान्यताप्राप्त विद्यापीठातून किंवा संस्थेतून सिव्हिल इंजिनियरिंगमध्ये पदवी प्राप्त केलेली असावी. त्यांच्याकडे गेटचे स्कोअरकार्ड असणे आवश्यक आहे.
पगार
राष्ट्रीय महामार्ग प्राधिकरणात एकूण ४० पदांसाठी भरती जाहीर करण्यात आली आहे. ९ जानेवारीपासून अर्जप्रक्रिया सुरु झाली आहे. अर्ज करण्यासाठी १ महिन्याचा कालावधी आहे. या नोकरीसाठी निवड झाल्यावर उमेदवारांना लेव्हल १० नुसार ५६,१०० ते १,७७,५०० रुपये पगार मिळणार आहे.
Discussion about this post