जळगाव | जळगाव – धरणगाव रस्त्यावर पाळधी जवळ अकोला येथून अहमदाबाद येथे जाणाऱ्या खासगी बसचा अपघात झाल्याची घटना रविवारी रात्री आठ वाजेच्या सुमारास घडली.
अपघातात अंदाजे २५ ते ३० जण जखमी झाले असून जळगाव जिल्हा रुग्णालयात काही जखमींना आणण्यात आले आहे.
नेमकी काय आहे घटना?
जळगाव – धरणगाव रस्त्यावर पाळधी गावानजीक असलेल्या महामार्गावर हॉटेल सुगोकी जवळ रात्री ८ वाजेच्या सुमारास अकोला येथून अहमदाबादला जाणारी खासगी बस क्रमांक जीजे.१८.बीव्ही.३०४२ ही बस पलटी होवून अंदाजे २५ ते ३० प्रवासी जखमी झाले आहे
पालकमंत्री ना.गुलाबराव पाटील हे देखील रात्री याच रस्त्याने आपल्या निवासस्थानी जात असतांना त्यांना अपघातग्रस्त ट्रॅव्हल्स दिसून आली. पालकमंत्री यांनी लागलीच आपल्या वाहनांचा ताफा थांबवित लक्झरीमधून जखमींना बाहेर काढून रुग्णवाहिकेला पाचारण केले. जिल्हा रुग्णालयात काही जखमी यांना आणण्यात आले असून सर्व वैद्यकीय अधिकारी आणि कर्मचारी उपचार करण्यास पुढे सरसावले आहे.
Discussion about this post