मुंबई । लोकसभा निवडणुका होण्याआधीच माजी मंत्री आमदार एकनाथ खडसेंनी भाजपात घरवापसी करणार असल्याची घोषणा केली होती. मात्र अद्याप त्यांच्या भाजप प्रवेशाचा मर्हूत लागलेला नाहीये. आता अशातच आता हाती आलेल्या माहितीनुसार, लवकरच एकनाथ खडसे यांचा भाजप प्रवेश केला जाणार आहे. भाजपमध्ये घरवापसी होताच एकनाथ खडसेंच्या हाती मोठी जबाबदारी दिली जाणार असल्याची माहिती सुत्रांनी दिलीय.
लोकसभेच्या पराभवानंतर भाजप विधानसभेच्या तयारीला लागली असून त्यापार्श्वभूमीवर भाजपमध्ये मोठ्या हालचाली होत आहेत. मंगळवारी दिल्लीत झालेल्या कोअर बैठकीत विधानसभा निवडणुकीचा रोड मॅप ठरवण्यात आला. तब्बल तीन तास चाललेल्या या बैठकीत लोकसभा निवडणुकीतील अपयशावर विचार मंथन करण्यात आले. यातच आता एकनाथ खडसेंच्या प्रवेशाची चर्चा जोर धरू लागलीय. येत्या काही दिवसात त्यांचा भाजपमध्ये प्रवेश होईल असं म्हटलं जात आहे.
एकनाथ खडसे यांच्यावर भाजपमध्ये मोठी जबाबदारी दिली जाणार असल्याची माहिती सुत्रांनी दिलीय. कारण एकनाथ खडसे आधी भाजपमध्ये होते, त्यांना पक्ष वाढीसाठी मोठं काम केलं आहे. त्यांना भाजप आणि संघाची रणनीती माहिती आहे, त्यामुळे त्यांच्या हाती मोठी जबाबदारी दिली जाण्याची शक्यता सूत्रांनी दिलीय.
Discussion about this post