तुम्हीही सरकारी नोकरीच्या शोधात असाल तर तुमच्यासाठी आनंदाची बातमी आहे. महाराष्ट्र राज्य मार्ग परिवहन महामंडळ अंतर्गत भरती जाहीर करण्यात आली असून यासाठी पात्र उमेदवारांकडून अर्ज मागविले जात आहे. वेगवेगळ्या जागांसाठी ही भरती घेण्यात येणार आहे.महाराष्ट्र राज्य मार्ग परिवहन महामंडळ आणि नियंत्रक विभागाद्वारे या नोकरीची जाहिरात प्रसिद्ध करण्यात आली आहे. इच्छुक उमेदवारांनी लवकरात लवकर अर्ज करावेत.
महाराष्ट्र राज्य मार्ग परिवहन महामंडळात समुपदेशक पदासाठी नोकरीची संधी आहे. महामंडळातील कर्माचाऱ्यांच्या मानसिक ताणतणावाचे निवारण करणे, त्यांच्याशी संवाद साधणे, त्यांच्या अडीअडचणी जाणून घेणे यासाठी समुपदेशक पदाची नियुक्ती केली जाणार आहे.
या पदासाठी उमेदवाराने मान्यताप्राप्त विद्यापीठातून पदवी (M.S.W) किंवा कला शाखेची पदव्युतर पदवी (M.A Psychology)किंवा समुपदेशन मानसशास्त्र विषयातील पदवी प्राप्त केलेली असावी. उमेदवाराला समुपदेशन क्षेत्रातील शासकीय, खाजगी संस्थामधील किमान २ वर्षांचा अनुभव असणे गरजेचे आहे.
ही नोकरी मानद तत्त्वावर घेण्यात येणार आहे. यासाठी नेमणूकीचा कालावधी १ वर्षांचा आहे. आवश्यकेतुनास हा कार्यकाळ वाढवूदेखील शकतात. यासाठी ऑफलाइन पद्धतीने अर्ज मागवण्यात आले आहे. लातूरमध्ये ही नोकरीची संधी आहे. १२ जुलै ही अर्ज करण्याची शेवटची तारीख आहे. याबाबत अधिक माहिती https://msrtc.maharashtra.gov.in/GeneralPages/Recruitment.aspx या वेबसाइटवर देण्यात आली आहे.
Discussion about this post