मुंबई । यंदाच्या लोकसभा निवडणुकीत बीडमधून शरद पवार गटातील खासदार बजरंग सोनवणे यांनी भाजपच्या नेत्या पंकजा मुंडे यांचा पराभव करत विजय मिळविला. दरम्यान आमदार अमोल मिटकारी यांनी शरद पवार आणि अजित पवार गटाबाबत ट्विट केलं असून यामुळे राज्यातील राजकारणात भूकंप आला आहे.
अमोल मिटकरी यांच्या दाव्यानुसार, शरद पवार गटातील खासदार बजरंग सोनवणे यांनी अजित पवार यांना संपर्क करण्याचा प्रयत्न केला. अमोल मिटकरी यांचा ”बीडच्या बप्पाचा दादांना फोन” या चार शब्दांच्या ट्विटनंतर राज्यातील राजकारणात भूकंप आला आहे. यावर आता खासदार बजरंग सोनवणे स्पष्टीकरण दिल आहे.
काय म्हणतात बजरंग सोनवणे
अमोल मिटकरी यांच्या ट्विटनंतर एका वृत्तवाहिनीशी बोलताना खासदार बजरंग सोनवणे म्हणाले की, अमोल मिटकरी कोण आहेत? ते अजित दादांच्या बंगल्यावरील ऑपरेटर आहेत का? कारण ऑपरेटर कडेच फोनचे रेकॉर्ड असते. माझ्या बीड जिल्ह्यातील जनतेने मला खूप प्रेम दिले आहे. माझ्या मनात जर काही पाप असेल तर मी घराच्या बाहेर पडताच बीड जिल्ह्यातील जनता मला चपलेने मारेल. पवार साहेबांना सोडायचे म्हटल्यावर तर माझे वडील मला कानसुलीत लगावतील. माझी बायको म्हणेल तुला खायला पण नाही, नाश्ता देखील नाही, अशी परिस्थिती होईल.
Discussion about this post