तरुणांसाठी खुशखबर! राज्यात पोलिस शिपाई पदांची महाभरती झाली सुरु.. असा करा अर्ज

राज्य सरकारने काही महिन्यांपूर्वी राज्यात 17 हजार पोलिस शिपाई पदांची भरती करण्याची घोषणा केली होती. परंतु प्रत्यक्षात भरती जाहीर होत नसल्याने पोलिस भरतीची तयारी करणाऱ्या युवक वर्गातून चिंता व्यक्त केली जात होती. अखेर सरकारने बहुप्रतीक्षित पोलिस भरती जाहीर केली आहे.

राज्यात 17 हजार पोलिस शिपाई पदाच्या भरती प्रक्रिया आज मंगळवार (दि. 5) पासून सुरू होत आहे. याठिकाणीच ऑनलाईन अर्ज भरण्याची सुविधा देखील उपलब्ध करुन देण्यात आली आहे. उमेदवारांना अर्ज सादर करण्यासाठी अंतिम मुदत 31 मार्च 2024 पर्यंत देण्यात आली आहे.या भरतीसाठी इच्छूक उमेदवारांनी policerecruitment2024.mahait.org आणि http://www.mahapolice.gov.in या संकेतस्थळावर भरती संदर्भात माहिती उपलब्ध करून देण्यात आली आहे.

भरल्या जाणाऱ्या पदाचे नाव :
पोलीस शिपाई (Police Constable)
पोलीस बॅन्डस्मन (Police Bandsmen)
पोलीस शिपाई-वाहन चालक (Police Constable-Driver)
पोलीस शिपाई-SRPF (Police Constable-SRPF)
कारागृह शिपाई (Prison Constable)

कोण करू शकतो अर्ज :
अर्ज करण्यासाठी उमेदवाराने मान्यताप्राप्त मंडळातून दहावी किंवा बारावी उत्तीर्ण असणे आवश्यक आहे. सर्वसाधारण श्रेणीसाठी वयोमर्यादा 18 ते 28 वर्षे आहे.

शुल्क : खुल्या प्रवर्गासाठी 450 रुपये शुल्क भरावे लागेल. तर राखीव प्रवर्गातील उमेदवारांना 350 रुपये शुल्क भरावे लागेल

या भरती प्रक्रियेसाठी उमेदवाराची शारीरिक योग्यता चाचणी आणि लेखी परीक्षा ही घेतली जाईल. त्यानंतर उमेदवाराची निवड ही केली जाणार आहे. लेखी परीक्षा ही 100 मार्कांची घेतली जाणार आहे. नोकरीच्या शोधात असणाऱ्यांनी लगेचच या भरती प्रक्रियेसाठी अर्ज करावा. परत एकदा लक्षात ठेवा की, या भरती प्रक्रियेसाठी अर्ज करण्याची शेवटची तारीख ही 31 मार्च 2024 आहे.