राज्यातील अनेक जिल्ह्यांना अवकाळी पावसाचा इशारा ; आज तुमच्या जिल्ह्यात कसे राहणार तापमान?

मुंबई । राज्यात पावसाला पोषक स्थिती निर्माण झाली असून बहुतांश ठिकाणी ढगाळ वातावरण पहायला मिळत आहे.यामुळे काही ठिकाणी तापमानात घसरण झाली तर काही ठिकाणी उन्हाचा चटका वाढलेलाच आहे. भारतीय हवामान खात्याने आज आणि उद्या राज्यातील अनेक जिल्ह्यांना पावसाचा अंदाज वर्तविला आहे.

आज शनिवारी मध्य महाराष्ट्र आणि मराठवाडा आणि विदर्भात सोसाट्याच्या वाऱ्यासह तुफान पाऊस पडण्याची शक्यता आहे. पावसासोबत काही भागात गारपीट देखील होण्याचा अंदाज आहे. सोलापूर, सांगली, जालना, नांदेड, लातूर, अकोला, अमरावती, यवतमाळ जिल्ह्यांमध्ये शनिवार आणि रविवार दोन दिवस तुफान पाऊस कोसळण्याची शक्यता आहे. काही जिल्ह्यात गारपीट देखील होऊ शकते. या पार्श्वभूमीवर येलो अलर्ट जारी करण्यात आलाय.

दरम्यान, आज शनिवारी आणि रविवारी पुणे, अहमदनगर, सातारा, नाशिक, छत्रपती संभाजीनगर, बीड आणि जळगाव जिल्ह्यांत अवकाळी पावसाची शक्यता वर्तवली आहे.

दरम्यान, आज सर्वाधिक कमाल तापमानाची नोंद या जिल्ह्यांमध्ये होत आहे.
नंदूरबार ४४.९
जळगाव ४४.३
धुळे ४४
अकोला ४३.५
वाशिम ४३.६
अहमदनगर ४०.६
नाशिक ४१.५
रायगड ४१.३