जपानमध्ये 7.6 रिश्टर स्केलचा शक्तिशाली भूकंप; देश हादरला

जपानमध्ये सोमवारी रात्री उशिरा शक्तिशाली भूकंप झाला, ज्यामुळे देश हादरला. जपान हवामान संस्थेच्या म्हणण्यानुसार, आओमोरी प्रांतात ७.६ तीव्रतेचा भूकंप आला. हवामान संस्थेने आओमोरी, इवाते आणि होक्काइडो प्रांतांसाठी त्सुनामीचा इशारा जारी केला आहे.

या शक्तिशाली भूकंपानंतर बाधित भागातील रहिवाशांना ताबडतोब सुरक्षित ठिकाणी आणि उंच जमिनीवर स्थलांतरित होण्याचा सल्ला देण्यात आला आहे. इवाते प्रांताच्या किनाऱ्यावर, होक्काइडोच्या मध्य पॅसिफिक किनाऱ्यावर आणि आओमोरी प्रांताच्या पॅसिफिक किनाऱ्यावर ३ मीटर उंचीच्या लाटा येण्याची शक्यता आहे.

दरम्यान, मियागी आणि फुकुशिमा प्रांताच्या किनाऱ्यावर, आओमोरी प्रांताच्या जपान समुद्राच्या किनाऱ्यावर आणि होक्काइडोच्या पश्चिम आणि पूर्व पॅसिफिक किनाऱ्यावर अंदाजे १ मीटर उंचीच्या लाटा येण्याची शक्यता आहे. जपान हवामानशास्त्र संस्थेने (JMA) नुसार, आओमोरी प्रांतातील हाचिनोहे शहरात झालेल्या भूकंपात जपानी भूकंप स्केलवर -6 रिश्टर स्केलची नोंद झाली. भूकंपाचे केंद्र आओमोरी प्रांताच्या किनाऱ्यापासून 80 किमी दूर असून 50 किमी भूगर्भात हा भूकंप झाला आणि त्याची तीव्रता ७.६ इतकी होती. या भूकंपामुळे जपानमध्ये खळबळ उडाली आहे

स्थानिक माध्यमांनुसार, आओमोरी प्रांतातील मुत्सु ओगावारा बंदरात रात्री ११:४३ वाजता सुमारे ४० सेंटीमीटर उंच त्सुनामी लाटांची नोंद झाली. भूकंपानंतरच्या परिस्थितीला तोंड देण्यासाठी पंतप्रधान कार्यालयात (PMO) एक आपत्ती व्यवस्थापन कार्यालय स्थापन करण्यात आले आहे.