जामनेर । घराच्याच बाजूला असलेल्या पत्राच्या शेडमध्ये गळफास घेऊन बारावीतील विद्यार्थ्याने जीवनयात्रा संपविण्याची घटना पहूर येथील गोविंद नगरात शुक्रवारी रात्री नऊ वाजेच्या सुमारास घडली. पहूर पोलीस स्टेशनला अकस्मात मृत्यूची नोंद करण्यात आली आहे.
महेश अनिल गोल्हारे (वय १८) असे मयत विद्यार्थ्यांचे नाव आहे. महेशच्या पश्चात आई-वडील भाऊ-बहीण असा परिवार आहे. जामनेर येथील इंदिराबाई ललवाणी माध्यमिक व उच्च माध्यमिक विद्यालय तो विज्ञान शाखेत बारावीचे शिक्षण घेत होता. पहूर पेठ येथील गोविंद नगरातील शेतकरी अनिल कडूबा गोल्हारे हे कुटुंबीयांसमवेत राहतात. रात्री नऊ वाजेच्या सुमारास महेश गोल्हारे याने घराच्याच बाजूला असलेल्या पत्र्याच्या शेडमध्ये गळफास घेतला.
त्याला ग्रामीण रुग्णालयात दाखल केले असता वैद्यकीय अधिकाऱ्यांनी तपासून मयत घोषित केले. यावेळी कुटुंबीयांनी एकच आक्रोश केला घटनेमुळे पहूर गावात शोककळा पसरली आहे. आत्महत्येचे कारण मात्र अद्याप समजू शकले नाही. पहुर पोलीस स्टेशनला अकस्मात मृत्यूची नोंद करण्यात आली आहे.
Discussion about this post