जळगाव । धावती रेल्वे पकडू नये, असे अनेकवेळा सांगितले जाते. मात्र काही प्रवाशी जीवाची पर्वा न करता चालती ट्रेन पकडण्याचा प्रयत्न करतात. यात काही वेळा प्रवाशांना आपला जीवही गमवावा लागतो. याच दरम्यान जळगाव रेल्वे स्थानकावर रेल्वेत चढताना तोल जाऊन पडत असलेल्या प्रवाशाला लोहमार्ग पोलिसाने वाचवले आहे. प्रवाशाला वाचवतानाचा प्रसंग सीसीटीव्ही कॅमेऱ्यात कैद झाला आहे. किरण बारी या पोलीस कर्मचाऱ्याने प्रवाशाला वाचवले आहे.
भुसावळ-सुरत पॅसेंजरमध्ये चढताना एका प्रवाशाचा तोल गेला आणि तो खाली पडणार, तोच लोहमार्ग पोलिस कर्मचारी किरण बारी धावत जाऊन या प्रवाशाला खेचून बाहेर काढले.
जर विलंब झाला असता तर प्रवासी फलाट आणि ट्रेनच्या मध्ये गेला असता, कर्तव्यावर असलेल्या कर्मचारी किरण बारी यांनी प्रसंगावधान दाखवले आणि क्षणाचाही विलंब न लावता या प्रवाशाचे प्राण वाचवले..
पोलीस कर्मचाऱ्यांच्या मदतीला या रेल्वे स्थानकावर असलेले काही प्रवासी तसेच नागरिक सुद्धा धावून आले होते.. 5 ऑगस्ट रोजी ही घटना घडली आहे. हा व्हिडिओ सोशल मीडियावर व्हायरल झाला आहे.
Discussion about this post