नोकरीच्या शोधात असलेल्या तरुणांसाठी आनंदाची बातमी आहे. जळगाव जिल्हा होमगार्ड भरती निघाली असून यासाठी पात्र असलेल्या उमेदवारांकडून अर्ज मागविले जात आहे. या भरतीप्रक्रियेला आज म्हणजेच २५ जुलै पासून सुरुवात झाली आहे. पात्र उमेदवारांनी वेळ वाया न घालवता लगेचच अर्ज करावा. अर्ज ऑनलाईन पद्धतीने करावा लागणार आहे. आणि हो लक्ष्यात असू अर्ज करण्याची अंतिम मुदत ही 14 ऑगस्ट 2024 पर्यंत असणार आहे. जाणून घ्या भरतीविषयी इतर माहिती..
पदाचे नाव : होमगार्ड
उमेदवाराचे वय : अर्ज करणाऱ्या उमेदवाराचे वय 20 ते 50 वर्षे असावे. (दि. 31/07/1974 नंतर ते दि. 31/07/2004 पुर्वी)
पात्रता: किमान 10वी उत्तीर्ण
शारीरिक पात्रता :
उंची – पुरुष उमेदवारासाठी उंची 162 से.मी. व महिला उमेदवारासाठी 150 से.मी.
छाती – (फक्त पुरुष उमेदवारांकरीता) (न फुगविता किमा. 76 से.मी. कमीत कमी 5 सेमी फुगविणे आवश्यक) अपात्र ठरलेल्या उमेदवारांच्या पुढील चाचण्या घेतल्या जाणार नाही.
होमगार्डना देय भत्ते :
होमगार्ड सदस्यांना बंदोबस्त काळात प्रतिदिन रु. 570/- कर्तव्य भत्ता व रु. 100/- उपहारभत्ता दिला जातो. तसेच प्रशिक्षण काळात रु. 35/- खिसाभत्ता व रु. 100/- भोजनभत्ता व साप्ताहिक कवायतीसाठी रु. 90/- कवायत भत्ता दिला जातो.
नोंदणी अर्ज भरणे संदर्भातील सूचना
होमगार्ड नोंदणी अर्ज दि. 25/07/2024 ते 14/08/2024 या कालावधीमध्ये https://maharashtracdhg.gov.in/mahahg/enrollmentform.php या संकेतस्थळावर फक्त इंग्रजी या भाषेमधून भरावयाचा असुन अर्ज भरतांना सर्व माहिती काळजीपुर्वक भरावयाची आहे.
जसे की ,आधारकार्ड क्रमांक, जन्मदिनांक व्यवस्थित नोंद कराव्यात. एका उमेदवाराला आधारकार्ड क्रमांकाच्या साहाय्याने एकदाच अर्ज दाखल करता येईल.
उमेदवार ज्या भागातील रहिवासी आहे तो भाग ज्या पोलीस ठाणेच्या अंतर्गत येतो त्यांना त्याच पोलीस ठाणे अंतर्गत पोलीस ठाणे आणि पथकामध्ये त्याच जिल्हयात अर्ज दाखल करता येईल. इतर जिल्हयातील अर्ज बाद ठरतील.
अर्ज SUBMIT केल्यावर Print Registration Form या मेनू मध्ये जावून त्याची छायांकीत प्रत काढावयाची आहे. त्यावर उमेदवारांनी भरलेल्या सर्व मजकूर छापून येईल. त्यावर आपला वर्तमानातील एक फोटो चिटकवावा.
मराठीमधील नाव उमेदवाराने स्वतः पेनाने लिहावयाचे आहे. इतर कोणतीही माहिती उमेदवारांनी भरु नये.
पीडीएफ जाहिरात
Discussion about this post