जळगाव । जळगावमधील सुवर्ण बाजारपेठेत नवरात्रोत्सव सुरू झाल्यापासून सातत्याने तेजीत असलेल्या सोने, चांदीच्या दराने दसऱ्याच्या एक दिवस आधी आज बुधवारी पुन्हा उसळी घेतली. ऐन सणासुदीत सोन्याचे दर वाढल्याने ग्राहकांच्या खिशाला चांगलाच फटका बसणार आहे.
दसऱ्याच्या आदल्या दिवशी सोन्याचे दर १०५० रुपयांनी वाढले आहे. यानंतर सोन्याचे दर १ लाख २१ हजार ५५० रुपये झाले आहेत. सोन्यासह चांदीचे दरदेखील वाढले आहे. १ किलो चांदीचे दर १ लाख ५१ हजार रुपये आहे.
ऐन सणासुदीच्या काळात सोन्याचे दर वाढत आहे. दसरा झाल्यानंतर लगेचच दिवाळीदेखील आहे. या दोन्ही सणांना सोने खरेदी करतात. मात्र, आता सोन्याचे वाढलेले दर सर्वसामान्यांना परवडणारे नाही. त्यामुळे सोने आणि चांदी खरेदी करावी नाही असा प्रश्न पडला आहे.
जागतिक पातळीवरील परिस्थिती, अमेरिकन फेडरल बँकेचे धोरण तसेच विविध देशांकडून वाढलेली सोन्याची खरेदी यामुळे हे दर मोठ्या प्रमाणात वाढत आहे. यापुढे वाढत राहणार असल्याचे सांगितले जात आहेत. दरम्यान, सोन्याचे दर वाढत असले तरीही सोनं खरेदी करणे हे सर्वसामान्यांना परवडणारे नाही. त्यामुळे सर्वसामान्यांनी सोने खरेदी करण्याकडे पाठ फिरवली आहे.
Discussion about this post