शेतकऱ्यांनो लक्ष द्या! जळगाव जिल्ह्यात खतांचा भरपूर साठा ; उपब्लध साठा असा?

जळगाव : खरीप हंगाम २०२५–२६ करिता जळगाव जिल्ह्यातील सर्व तालुक्यांमध्ये विविध प्रकारच्या रासायनिक व सेंद्रिय खतांचा पुरेसा साठा उपलब्ध असून, शेतकऱ्यांनी नियोजनबद्ध खरेदी करावी, असे आवाहन जिल्हा प्रशासन व कृषी विभागाने केले आहे.

जिल्ह्यातील सर्व तालुक्यांमध्ये DAP, MOP, युरिया, SSP, NPKS व FOM अशा प्रमुख खतप्रकारांचा साठा उपलब्ध असून, त्यामध्ये जामनेर तालुक्यात सर्वाधिक १४,२९९ मेट्रिक टन खतसाठा असून तो जिल्ह्यातील सर्वाधिक आहे. त्यानंतर रावेर तालुक्यात ८,८६७ मेट्रिक टन साठा असून भडगाव तालुक्यात सर्वात कमी म्हणजे १,९७५ मेट्रिक टन साठा आहे.

प्रमुख खतप्रकारांचा एकूण साठा खालीलप्रमाणे आहे:
DAP: १३१७.५ मेट्रिक टन
MOP: ७३५५.४९ मेट्रिक टन
Urea: १८,९८८.१७ मेट्रिक टन
SSP: ३५,२८९.२५ मेट्रिक टन
NPKS: ३४,४४५.७२ मेट्रिक टन
FOM (सेंद्रिय खत): ८७.२९ मेट्रिक टन

खतांचा साठा सुरक्षित असून शेतकऱ्यांनी कोणतीही घाई न करता योग्यवेळी व गरजेनुसार खतांची खरेदी करावी, असे आवाहन करण्यात आले आहे. खतसाठ्याच्या नियोजनासाठी जिल्हा प्रशासन व कृषी विभाग सतर्क असून शेतकऱ्यांच्या शेतीसमृद्धीसाठी आवश्यक त्या सर्व उपाययोजना करण्यात येत आहेत.