जळगावात केमिकल कंपनीला आग; २० जणांहून अधिक कामगार जखमी

जळगाव | जळगाव शहरातील एमआयडीसीमधील डी-सेक्टर मधील मोरया केमिकल कंपनीला लागलेल्या भीषण आगीत २० जणांहून अधिक कामगार गंभीररित्या भाजले गेल्याची धक्कादायक घटना घडली आहे. यात पाच जणांची प्रकृती गंभीर आहे. यामधील काही जखमींना खाजगी तर काहींना जिल्हा शासकीय वैद्यकीय महाविद्यालयात उपचारार्थ दाखल करण्यात आले आहे.

याबाबत असे की, जळगाव शहरातील एमआयडीसी सेक्टर मधील मोरया केमिकल कंपनीत आज बुधवारी १७ एप्रिल रोजी सकाळी ९ वाजता कंपनीत केमिकल कंपनीत भीषण आग लागली. यावेळी कंपनीच्या लागलेल्या आगीत आगीचे मोठे लोळ बाहेर पडताना दिसून येत होते. दरम्यान याआगीत सकाळच्या शिफ्टमध्ये काम करणारे २० हुन अधिक कामगार गंभीररित्या भाजले गेल्याची घटना घडली आहे. या घटनेची माहिती मिळाल्यानंतर खाजगी व शासकीय रुग्णवाहिका घटनास्थळी तातडीने दाखल झाल्या. दरम्यान जखमी व भाजलेल्या कामगारांना तातडीने मेहरून येथील सारा हॉस्पिटल येथे दाखल करण्यात आले. तेथे त्यांच्यावर प्राथमिक उपचार करून जिल्हा शासकीय वैद्यकीय महाविद्यालय व खासगी रुग्णालयात हलविण्यात आले. यातील चार ते पाच कामगारांची प्रकृती गंभीर आहे. अजून यात जखमी कामगारांचा आकडा वाढविण्याची शक्यता आहे. यावेळी एमआयडीसीतील कंपनी आणि हॉस्पिटल येथे जखमी झालेल्या कामगारांच्या परिवारांची आणि मित्र नातेवाईकांची मोठ्या प्रमाणावर गर्दी पाहायला मिळाली.

ही आग कशामुळे लागली याची मात्र माहिती अद्याप उपलब्ध झालेली नाही. दरम्यान आग लागल्याची माहिती मिळाल्यानंतर औद्योगिक वसाहत मधील अग्निशमन बंब, महानगरपालिकेचा अग्निशमन बंब, जैन हिल्स येथील अग्निशमन बंब असे ३ ते ४ अग्निशमन बंब घटनांसाठी दाखल झाले.

जखमी झालेले कामगार
कपिल पाटील
विशाल बारी
मयूर कंगार
फिरोज तडवी
सचिन चौधरी
भिकन खैरनार
किशोर चौधरी
गोपाल पाटील
चंद्रकांत पाटील
आनंद जाधव
रमेश पवार
नंदू पवार
चंद्रकांत गोजरे .
गणेश सोनवणे
कपिल बाविस्कर
परब
अनिताबाई
नवाज तडवी
संतोष पाटील
उमेश कोळी
मंगल पाटील
करण सिद्धू
व उर्वरित दोन मिसिंग कामगारांची नावे खालील प्रमाणे
समाधान पाटील
रामदास घाणेकर