जळगावात अपघाताचे सत्र थांबेना ! वाहनाच्या धडकेत दुचाकीस्वार तरुणाचा मृत्यू

जळगाव । जळगाव जिल्ह्यात अपघाताचे सत्र सुरूच आहे. अशातच जळगाव एमआयडीसीतील रेमंड चौकाजवळ भरधाव अज्ञात वाहनाच्या धडकेत दुचाकीस्वार तरूणाचा जागीच मृत्यू झाल्याची घटना आज गुरुवारी घडली आहे. प्रणव प्रशांत कुदळे (वय २२ रा. तुळजाई नगर, कुसुंबा ता.जि.जळगाव ) असे मयत तरूणाचे नाव आहे. दरम्यान, एक मुलाच्या मृत्यूची वार्ता कळताच आई वडील आणि बहिण यांनी एक आक्रोश केला. याप्रकरणी एमआयडीसी पोलीस ठाण्यात अकस्मात मृत्यूची नोंद करण्यात आली आहे.

याबाबत असे की, जळगाव तालुक्यातील कुसुंबा गावातील तुळजाई नगरात प्रणव प्रशांत कुदळे हा तरूण आई वडील यांच्यासोबत वास्तव्याला होता. शहरातील बॅनर लावण्याचे काम करून तो आपला उदरनिर्वाह करत होता. दुचाकीने जळगावकडून कुसुंबा येथे जाण्यासाठी गुरूवार ४ एप्रिल रोजी रात्री १२.३० वाजता दुचाकीने निघाला होता. एमआयडीसीतील रेमंड चौकाजवळून जात असतांना अज्ञात वाहनाने त्याच्या दुचाकीला जोरदार धडक दिली.

या अपघातात प्रणवचा जागीच मृत्यू झाला. ही घटना घडल्यानंतर एमआयडीसी पोलीसांनी मृतदेह शासकीय वैद्यकीय महाविद्यालयात दाखल केला. एकुलत्या एक मुलाच्या मृत्यूची वार्ता कळताच आई वडील आणि बहिण यांनी एक आक्रोश केला. याप्रकरणी एमआयडीसी पोलीस ठाण्यात अकस्मात मृत्यूची नोंद करण्यात आली आहे. मयताच्या पश्चात आई, वडील आणि विवाहित बहिण असा परिवार आहे.