इंडिया पोस्टमध्ये १२००० हून अधिक पदांची भरती ; 10वी पास त्वरित अर्ज करा

दहावी पास तरुणांसाठी पोस्ट ऑफिसमध्ये नोकरी मिळवण्याची उत्तम संधी आहे. इंडिया पोस्टने बंपर भरती केली आहे. पोस्ट ऑफिस शाखा कार्यालय (BO) मध्ये ग्रामीण डाक सेवक (GDS), शाखा पोस्ट मास्टर (BPM) आणि सहाय्यक शाखा पोस्ट मास्टर (ABPM) साठी भरती काढली आहे. या सर्व पदांच्या भरतीसाठी अर्ज प्रक्रिया सुरू करण्यात आली आहे. इच्छुक उमेदवार indiapostgdsonline.gov.in या अधिकृत वेबसाइटला भेट देऊन या पदांसाठी ऑनलाइन अर्ज भरू शकतात.

महत्त्वाच्या तारखा
भारतीय पोस्टच्या या भरतीसाठी 22 मे पासून अर्ज प्रक्रिया सुरू झाली आहे.
अर्ज करण्यासाठी उमेदवारांना 11 जून 2023 पर्यंत वेळ आहे.
12 जून ते 14 जून 2023 या कालावधीत उमेदवारांना अर्जामध्ये सुधारणा करण्याची संधी दिली जाईल.

विहित वयोमर्यादा
अर्ज करणाऱ्या उमेदवारांची वयोमर्यादा 18 ते 40 वर्षे निश्चित करण्यात आली आहे. आरक्षित प्रवर्गाला नियमानुसार कमाल वयोमर्यादेत सवलत दिली जाते.

अर्जासाठी आवश्यक शैक्षणिक पात्रता
अर्जदाराने मान्यताप्राप्त मंडळाकडून अनिवार्य किंवा वैकल्पिक विषय म्हणून गणित आणि इंग्रजीसह 10वी उत्तीर्ण असणे आवश्यक आहे. यासोबतच उमेदवारांना संगणकाचे ज्ञान असावे.

वेतनमान
शाखा पोस्टमास्टर (BPM) च्या पदांवर निवडलेल्या उमेदवारांना दरमहा 12,000 ते 29,380 रुपये पगार मिळेल.
सहाय्यक शाखा पोस्टमास्तर (ABPM) पदासाठी निवडलेल्या उमेदवारांना 10,000 ते 24,470 रुपये पगार मिळेल.

अर्ज करण्याचा सोपा मार्ग येथे आहे
सर्वप्रथम अधिकृत वेबसाइट indiapostgdsonline.gov.in वर जा.
आता भरती सूचना लिंकवर क्लिक करा.
अर्ज भरण्यासाठी पुढे जा.
आता नोंदणी प्रक्रिया पूर्ण करा आणि आवश्यक कागदपत्रे अपलोड करा.
अर्जातील तपशीलांची पडताळणी करा.
विहित अर्ज फी भरा.
त्यानंतर अर्ज सबमिट करा.
फॉर्मची प्रिंटआउट काढा आणि ती तुमच्याकडे ठेवा.