आयकर विभागात सरकारी नोकरी मिळविण्यासाठी प्रयत्न करणाऱ्या तरुणांसाठी आनंदाची बातमी आहे. गुजरातमधील आयकर विभागात टॅक्स असिस्टंट आणि मल्टी टास्किंग स्टाफ पदासाठी भरती जाहीर केली आहे. या नोकरीसाठी ऑनलाइन पद्धतीने अर्ज मागवण्यात आले आहेत. अर्जप्रक्रिया सुरु झाली आहे. त्यामुळे इच्छुकांनी incometaxgujarat.gov.in वर जाऊन अर्ज करायचा आहे.
एकूण ४६ जागांवर ही भरती केली जाणार आहे. या नोकरीसाठी अर्जप्रक्रिया सुरु करण्यात आली आहे. या नोकरीसाठी अर्ज करण्याची शेवटची तारीख २१ फेब्रुवारी २०२६ आहे. इच्छुकांनी मुदतीपूर्वी अर्ज करायचा आहे.
टॅक्स असिस्टंट पदासाठी १८-२७ वयोगटातील उमेदवारांनी अर्ज करायचा आहे. एमटीएस पदासाठी १८ ते २५ वयोगटातील उमेदवारांनी अर्ज करायचा आहे. राखीव प्रवर्गातील उमेदवारांना वयोमर्यादेत सूट देण्यात आली आहे.
पगार
टॅक्स असिस्टंट पदासाठी पे लेव्हल ४ नुसार २५५०० ते ८११०० रुपये पगार मिळणार आहे. मल्टी टास्किंग स्टाफ पदासाठी पे लेव्हल १ नुसार १८००० ते ५६९०० रुपये पगार मिळणार आहे.
पात्रता
टॅक्स असिस्टंट पदासाठी उमेदवारांनी मान्यताप्राप्त विद्यापीठातून बॅचलर डिग्री प्राप्त केलेली असावी. याचसोबत डेट एंट्री येत असावी. मल्टी टास्किंग स्टाफ पदासाठी उमेदवारांनी १०वी पास असणे गरजेचे आहे. याचसोबत उमेदवारांना खेळाचे ज्ञान असायला हवे. त्यांनी अनेक राष्ट्रीय, आंतरराष्ट्रीय स्पर्धांमध्ये भाग घेतलेला असावा.
अर्ज कसा करावा?
तुम्हाला सर्वात आधी incometaxgujarat.gov.in वर जायचे आहे.
यानंतर भरतीसंबंधित लिंकवर क्लिक करा. यानंतर ज्या पदासाठी अर्ज करायचाय त्यावर क्लिक करा.
यानंतर नाव, जन्मतारीख, लिंग, स्पोर्ट्स अशी सर्व माहिती भरा. यानंतर कागदपत्र अपलोड करा
यानंतर सेल्फ डिक्लेरेशन फॉर्म भरुन अपलोड करा. यानंतर अर्ज सबमिट करावा.
Discussion about this post