सरकारी नोकरीच्या शोधात असलेल्या उमेदवारांना आनंदाची बातमी आहे. इन्स्टिट्यूट ऑफ बँकिंग पर्सोनल सिलेक्शन (IBPS) ने लिपिक पदासाठी भरतीची अधिसूचना जाहीर केली आहे. या पदांसाठी भरती प्रक्रिया सुरु झाली आहे. यावर्षी ६ हजारांपेक्षा जास्त लिपिक पदांसाठी अर्ज मागवण्यात आले आहेत तुम्ही बँकेच्या अधिकृत वेबसाइटवर जाऊन अर्ज करु शकतात. अर्ज फक्त आणि फक्त ऑनलाईन पद्धतीने स्वीकारले जातील. तर उमेदवार २१ जुलैपर्यंत अर्ज करु शकतात.
आवश्यक पात्रता :
या पदासाठी अर्ज करणाऱ्या उमेदवाराने मान्यताप्राप्त संस्थेतून पदवी प्राप्त केलेली असणे आवश्यक आहे.
त्याचसोबत उमेदवाराला संगणकाचे ज्ञान असावे. अर्जदाराचे वय किमान २० ते २८ वर्ष असावे. यासाठी तुम्ही IBPSच्या अधिकृत वेबसाइटवर जाऊन अर्ज करु शकतात. ऑनलाइन परीक्षेच्या आधारे उमेदवारांची निवड केली जाईल.यासाठी तुम्हाला अभ्यास करावा लागेल. आयबीपीएसची परीक्षा कठीण असल्याचे सांगितले जाते. त्यामुळे ज्या उमेदवारांना खरच बँकेत काम करायचे आहे. त्यांनी आतापासूनच तयारी करायला हवी.
जर तुम्हाला बँकेत काम करायची इच्छा असेल तर पंजाब नॅशनल बँकेतदेखील भरती सुरु आहेत. बँकेत २७०० शिकाऊ पदांसाठी भरती करण्यात येणार आहे. पंजाब नॅशनल बँकेत अर्ज करण्याची प्रक्रिया ३० जून २०२४ पासून सुरु झाली आहे. तुम्ही बँकेच्या अधिकृत वेबसाइटवर जाऊन अर्ज करु शकतात. त्याचसोबत तुम्ही आयबीपीएस परीक्षेसाठीदेखील तयारी करु शकतात.
Discussion about this post