इंजिनिअरिंगचे शिक्षण पूर्ण करून सरकारी क्षेत्रात करिअरची सुरुवात करू इच्छिणाऱ्या युवकांसाठी मोठी संधी उपलब्ध झाली आहे. देशातील प्रमुख तेल व वायू क्षेत्रातील कंपनी हिंदुस्तान पेट्रोलियम कॉर्पोरेशन लिमिटेड (HPCL) ने 608 ग्रॅज्युएट अप्रेंटिस पदांसाठी अधिकृत जाहिरात प्रसिद्ध केली आहे. या भरतीतून सिव्हिल, मेकॅनिकल, इलेक्ट्रिकल आदी शाखांतील पदवीधरांना नामांकित कंपनीत प्रत्यक्ष कामाचा अनुभव मिळणार आहे.
रिक्त पदांची माहिती आणि शैक्षणिक अटी
या भरतीद्वारे एकूण 608 पदांसाठी अर्ज आमंत्रित करण्यात आले आहेत. अर्जदाराकडे मान्यताप्राप्त विद्यापीठाची बी.ई. किंवा बी.टेक पदवी असणे आवश्यक आहे. सिव्हिल, मेकॅनिकल, इलेक्ट्रिकल तसेच इन्स्ट्रुमेंटेशन या अभियांत्रिकी शाखांतील उमेदवारांना प्राधान्य दिले जाईल. सामान्य व ओबीसी प्रवर्गासाठी किमान 60 टक्के, तर एससी/एसटी/दिव्यांग प्रवर्गासाठी किमान 50 टक्के गुण आवश्यक आहेत. 1 एप्रिल 2023 किंवा त्यानंतर उत्तीर्ण झालेले उमेदवारच पात्र मानले जातील.
वयोमर्यादा आणि सवलत
अर्जदाराचे वय किमान 18 ते 25 वर्षे दरम्यान असावे. सरकारी नियमांनुसार, राखीव प्रवर्गातील उमेदवारांना वयात सवलत दिली जाईल.
SC/ST: 5 वर्षे सवलत.
OBC (NCL): 3 वर्षे सवलत.
PWD: 10 वर्षे सवलत.
इतके स्टायपेंड मिळेल
निवड झालेल्या प्रशिक्षणार्थींना दरमहा एकूण 25,000 रुपयांचे स्टायपेंड मिळेल. त्यापैकी 20,500 रुपये HPCL कडून, तर 4,500 रुपये केंद्र सरकारच्या डीबीटी योजनेतून दिले जातील.
अर्ज करण्याची पद्धत
1. HPCL च्या अधिकृत वेबसाइटवर जाऊन ‘Apprentice 2026’ या पर्यायावर क्लिक करा.
2. ‘New Registration’ निवडून नोंदणी पूर्ण करा आणि लॉगिन आयडी व पासवर्ड प्राप्त करा.
3. लॉगिन केल्यानंतर वैयक्तिक तसेच शैक्षणिक तपशील अचूकपणे भरा.
4. आपली अभियांत्रिकी शाखा आणि प्राधान्य राज्य निवडा.
5. आवश्यक कागदपत्रे अपलोड करून अर्ज सादर करा आणि भविष्यासाठी त्याची प्रिंट जतन करून ठेवा.
Discussion about this post