निरोगी शरीरासाठी दूध पिण्याचा सल्ला नेहमी दिला जातो. मात्र केवळ साधे दूध न पिता त्यात खजूर उकळून सेवन केल्यास त्याचे फायदे अधिक वाढतात, असे आहारतज्ज्ञ सांगतात. खजूर आणि दूध या दोन्ही पदार्थांमध्ये मुबलक पोषक घटक असल्याने त्यांचे एकत्र सेवन शरीरासाठी अत्यंत लाभदायक ठरू शकते.
खजूरमध्ये लोह, कॅल्शियम, मॅग्नेशियम, पोटॅशियम आणि फायबर भरपूर प्रमाणात असते. तर दुधात प्रथिने, कॅल्शियम, व्हिटॅमिन डी आणि बी१२ आढळते. त्यामुळे हे पेय शरीराला ऊर्जा देण्याबरोबरच अनेक शारीरिक तक्रारींवर उपयोगी ठरते.
खजूर दूध कसे तयार करावे?
१ ग्लास दूध घ्या.
३ ते ५ खजूर अर्धे कापून त्यातील बिया काढा.
दुधात खजूर टाकून काही मिनिटे उकळवा.
कोमट झाल्यावर सेवन करा.
इच्छित असल्यास हे मिश्रण रात्रभर ठेवून सकाळी रिकाम्या पोटीही पिऊ शकता.
खजूर दूध पिण्याचे फायदे
१. शरीरातील कमजोरी दूर करते
खजूरमधील नैसर्गिक साखर त्वरित ऊर्जा देते, तर दूध दीर्घकाळ टिकणारी ताकद प्रदान करते.
२. अशक्तपणावर लाभदायक
खजूर हे लोहाचा चांगला स्रोत असल्याने हिमोग्लोबिन वाढण्यास मदत होऊ शकते.
३. हाडे मजबूत ठेवते
दूध आणि खजूर दोन्हीमध्ये कॅल्शियम आणि फॉस्फरस असल्याने हाडांच्या बळकटीसाठी उपयुक्त ठरतात.
४. पचन सुधारते
खजूरमधील फायबर पचनक्रिया सुधारण्यास मदत करते आणि बद्धकोष्ठतेसारख्या तक्रारी कमी करू शकते.
५. पुरुषांसाठी उपयुक्त
आयुर्वेदानुसार खजूर शरीरशक्ती वाढवण्यासाठी उपयुक्त मानले जाते. नियमित सेवनाने स्टॅमिना वाढण्यास मदत होऊ शकते.
६. महिलांसाठी फायदेशीर
हार्मोनल असंतुलन, अशक्तपणा आणि मासिक पाळीतील वेदना कमी करण्यासाठी हे पेय उपयुक्त मानले जाते.
तज्ज्ञांचा सल्ला महत्त्वाचा
आरोग्यदायी असले तरी प्रत्येकाची प्रकृती वेगळी असते. मधुमेह किंवा इतर आजार असलेल्या व्यक्तींनी हे पेय नियमित सुरू करण्यापूर्वी तज्ज्ञांचा सल्ला घ्यावा.
(टीप : येथे दिलेली माहिती हे सामान्य ज्ञानावर आधारित आहेत. आमचा याला दुजोरा नाही. ते अवलंबण्यापूर्वी तज्ज्ञांचा सल्ला जरूर घ्यावा.)
Discussion about this post