मुक्ताईनगर | मध्यप्रदेशच्या सीमेला लागून असल्यामुळे मुक्ताईनगर येथून मोठ्या प्रमाणात अवैध गुटख्याची तस्करी होत असून अशातच आज पुन्हा गुटखा वाहतूक करणारे वाहन जप्त करण्यात आला आहे. त्यात सुमारे १८ लाख रूपयांचा गुटखा असून याबाबत गुन्हा नोंदविण्याची प्रक्रिया सुरू आहे.
अलीकडे गुटख्यांची वाहतूक करणार्या वाहनांना जप्त करण्यात आले आहे. आजच्या कारवाईने जिल्ह्यात मोठी खळबळ उडाली आहे. मध्यप्रदेशातून एमएच १९ बीएम २३८४ या क्रमांकाच्या महेंद्रा बोलेरो पीकअप वाहनातून अवैध गुटखा विक्रीसाठी आणला जात असल्याची तक्रार नाशिक येथील गुप्तचर खात्याकडे करण्यात आली होती.
या अनुषंगाने चेक पोस्टवर सापळा रचून सदर वाहन थांबविण्यात आले. यात तपासणी केली असता १८ लाख रूपयांचा विमल या ब्रँडचा गुटखा आढळून आला. या प्रकरणी गुटखा आणि वाहन मिळून एकूण २२ लाख रूपयांचा ऐवज जप्त करण्यात आला आहे. या प्रकरणी गुन्हा नोंदविण्याची प्रक्रिया सुरू होती.
Discussion about this post