भुसावळ ।भुसावळ तालुका पोलिसांनी गोजोरे येथील घरफोडीतील चार संशयित आरोपींना अटक केली असून त्यांच्याकडून चोरीचा एकूण १० लाख ९४ हजार रुपयांचा मुद्देमाल हस्तगत केला आहे.
भुसावळ तालुक्यातील गोजोरे गावात मालतीबाई अभिमान चौधरी (वय-५७) या पतीसह राहत असून त्यांचे बंद घरी असल्याचा फायदा घेत चोरट्यांनी घराचा कडी कोयंडा तोडून प्रवेश केला. यावेळी चोरट्यांनी घरातील ६ लाख १३ हजार ६०० रुपये किमतीचे सोन्या-चांदीचे दागिने लांबविले होते. या प्रकरणी भुसावळ तालुका पोलीस ठाण्यात गुन्हा दाखल करण्यात आला होता.
त्यानुसार पोलिसांनी तांत्रिक मदत व सीसीटीव्ही फुटेच्या आधारे गुन्ह्याच्या शोध घेणे सुरू केले दरम्यान १२ ऑगस्ट रोजी मध्यरात्री २ वाजेच्या सुमारास दुचाकीवर तीन जण संशयितरित्या फिरत असताना दिसून आलेत. गावकऱ्यांनी तिघांना ताब्यात घेत पोलीसांच्या स्वाधिन केले.
पोलीसांनी सीसीटीव्ही फुटेज मधील आणि ताब्यात घेतलेला तीन आरोपींमधील एकाची ओळख पटली. पोलिसांनी खाक्या दाखवताच त्यांनी चोरी केल्याची कबुली दिली. संशयित आरोपी रवी प्रकाश चव्हाण (वय-१८) रा. शबरीनगर, तांबपुरा जळगाव, जुनेद उर्फ मुस्तकीन शहा भिकन शहा (वय-२२) रा. तांबापुरा आणि सतरा वर्षीय अल्पवयीन मुलगा अशा तिघांना ताब्यात घेतले.
Discussion about this post