नंदुरबार । आगामी स्थानिक स्वराज्य संस्थांच्या निवडणुकीपूर्वी भाजपमध्ये मोठ्या प्रमाणात इनकमिंक सुरू असून अशातच खान्देशातील नंदुरबारमध्ये भाजपची ताकद वाढणार आहे. कारण माजी खासदार हिना गावित आज घर वापसी करणार आहेत. हिना गावित भाजपमध्ये परत येणार असल्यामुळे आगामी निवडणुकीत भाजपला मोठा फायदा होईल अशी चर्चा होत आहे.
मिळालेल्या माहितीनुसार, माजी खासदार डॉ. हिना गावित यांची आज घरवापसी होणार आहे. हिना गावित यांचा आज भाजपमध्ये प्रवेश होणार आहे. प्रदेशाध्यक्ष रवींद्र चव्हाण यांचा उपस्थितीत हिना गावित यांचा भाजपमध्ये प्रवेश होणार आहे. त्यांच्यासोबत अनेक पदाधिकारी आणि कार्यकर्ते भाजपचे कमळ हाती घेणार आहेत. हिना गावित यांच्या घरवापसीमुळे नंदुरबारमध्ये भाजपची ताकद वाढली आहे.
विधानसभा निवडणुकीत भाजपकडून तिकीट न मिळाल्याने नाराज झालेल्या हिना गावित यांनी अक्कलकुवा अक्राणी विधानसभेतून अपक्ष निवडणूक लढवली होती. आगामी स्थानिक स्वराज्य संस्थांच्या निवडणुकीच्या तोंडावर त्यांचा पुन्हा भाजपमध्ये पक्षप्रवेश होत असल्याने जिल्ह्यात भाजप कार्यकर्त्यांमध्ये आनंदाचे वातावरण आहे.
Discussion about this post