जळगाव । जळगाव शहरातील मास्टर कॉलनीमधील अक्सानगर परिसरात उच्चदाबाच्या विद्युत वाहिनीचा झटका बसल्याने बाप-लेकीचा दुर्दैवी मृत्यू झाला असून लहान भाची गंभीर जखमी झाली आहे. जिल्हा शासकीय वैद्यकीय महाविद्यालयात नातेवाईकांनी एकाच गर्दी पाहायला मिळाली.
या घटनेबाबत असे की, जळगाव शहरातील मास्टर कॉलनी येथे मौलाना साबीर खान नवाझ खान (वय 35) हे आपल्या कुटुंबीयांसह वास्तव्याला होते. शुक्रवारी 5 डिसेंबर रोजी सकाळी 10.30 वाजेच्या सुमारास मौलाना साबीर यांची भाची मारिया फतेमाबी ही कपडे टाकण्यासाठी गच्चीवर गेली होती. त्यावेळी कपडे टाकत असताना जवळच असलेल्या उच्च दाबाची हाय व्होल्टेज इलेक्ट्रिक तार गेल्यानंतर तिचा जोरदार धक्का बसला, तिला वाचवण्यासाठी आलिया ही गेली असता तिला पण जोरदार धक्का बसला मुलगी आणि भाची यांना इलेक्ट्रिक शॉक लागल्याचे पाहून मौलाना शाबीर हे त्यांना वाचण्यासाठी गेले असता त्यांना देखील विजेचा जबरदस्त धक्का बसला.
या घटनेत मौलाना साबीर खान (वय 38) आणि त्यांची मोठी मुलगी आलिया (वय 12) यांचा यांचा दुर्दैवी मृत्यू झाला त्यांच्यासोबत तर भाची मारिया फतेमाबी ही गंभीर जखमी झाली. तिला नजीकच्या सारा हॉस्पिटल येथे दाखल करण्यात आले आहे. दरम्यान दोघा बाप लेकीचा मृतदेह जिल्हा सामान्य रुग्णालय आणि वैद्यकीय महाविद्यालय याठिकाणी आणण्यात आले आहेत. घटनेची माहिती मिळताच नातेवाईक आणि समाजातील नागरिकांनी जिल्हा रुग्णालयात गर्दी केली आहे. दरम्यान, महावितरणच्या हलगर्जीपणामुळे ही घटना घडली असल्याचा आरोप नातेवाईकांनी केला आहे.
Discussion about this post