जळगाव : एकनाथ खडसे पुन्हा शरद पवार यांच्या राष्ट्रवादीतून भाजपमध्ये जाणार असल्याची चर्चा सुरु असून या चर्चांना अधिक जोर देणारे वक्तव्य एकनाथ खडसे यांनी केले.
आपण भाजपमध्ये जेव्हा केव्हा जाऊ तेव्हा आधी शरद पवार यांना कळवेल. शरद पवार यांच्या संमतीने भाजपमध्ये जाईल, असे एकनाथ खडसे यांनी म्हटले आहे. भाजपमध्ये जाणार असल्याच्या चर्चांवर एकनाथ खडसे यांनी हे मोठे विधान केले. सध्या भाजपमध्ये जाण्याचं कुठलंही महत्वाचे कारण नाही आणि माझी इच्छा ही नाही, अशी पुष्टी त्यांनी त्यानंतर जोडली.
भाजपमध्ये जाण्यासाठी पाच वर्षांची आमदारकी सोडून जाणे एवढं काही मोठे कारण आता नाही. ईडीचा विषय आता नाही. मला नोटीस आल्या माझ्या जमिनी जमा झाले आहे. त्यामुळे गेलो असतो तर तेव्हाच गेलो असतो, असे खडसे म्हणाले. सध्या माझी मनापासून भाजपमध्ये जाण्याची इच्छा नाही. जेव्हा माझी इच्छा होईल तेव्हा मी पवार साहेबांना कळवेल, असे खडसे यांनी म्हटले.
दरम्यान यावेळी त्यांनी मंत्री गिरीश महाजन यांच्यावर टीका केलीय. भाजपमध्ये जाण्याबाबत मला मंत्री गिरीश महाजन यांच्या परवानगीची गरज नाही. मी 40-42 वर्षांपासून भाजपमध्ये होतो. त्यामुळे गिरीश महाजन यांच्यापेक्षा माझे वरिष्ठांची चांगले संबंध आहेत. ते आजही कायम आहेत. पक्षाच्या तत्त्वाशी मतभेद असू शकतात मात्र व्यक्ती म्हणून माझे कोणाशी मतभेद नाही, असेही खडसे म्हणाले.
Discussion about this post