जळगाव । सध्या राष्ट्रवादीचे ज्येष्ठ नेते आमदार एकनाथ खडसे यांना फोनवरून जीवे मारण्याची धमकी मिळाली आहे. यामुळे राजकीय वर्तुळात खळबळ उडाली आहे. दरम्यान, एकनाथ खडसेंना मिळालेल्या धमकीनंतर मंत्री गिरीश महाजन यांनी प्रतिक्रिया देत खडसेंना चिमटा काढला आहे.एकनाथ खडसे हे मोठे नेते आहेत. त्यामुळे त्यांना धमक्या देखील मोठ्या येतील, असं वक्तव्य करत मंत्री गिरीश महाजन चिमटा काढला आहे.
काय म्हणाले गिरीश महाजन?
महाजन म्हणाले, याबाबतीत मला काही जास्त सांगता येणार नाही, मागील काळामध्ये त्यांना दाऊदकडून धमक्या आल्या असल्याचे ते सांगतात. पण मला काही माहीत नाही, मला वाटतं तेच याबाबतीत सांगू शकतील खडसे मोठे नेते असल्याने त्यांना धमक्या मोठ्या येतात, पोलीस यंत्रणांनी तक्रार केली असेल तर चौकशी करतील. मी राज्याचा गृहमंत्री नसल्याने त्यांच्या सुरक्षित वाढ होईल की नाही याबद्दल मी जास्त काही सांगू शकत नाही, त्यांना फोन कुठून आले? कुणी केले? का केले? हा चौकशीचा भाग आहे.
मात्र दाऊद भाईचे आणि त्यांच्या गॅंगच्या सदस्यांचे यांच्याशी काही संबंध असल्याचे कुठे दिसत नाही, असे गिरीश महाजन यांनी म्हटले. खडसे भाजपमध्ये आले म्हणून दाऊद इब्राहिम त्यांना काही धमक्या देईल, अशी काही परिस्थिती नाही कारण अनेक लोक हे भाजपमध्ये आलेले आहेत त्यांना काही अजून धमक्या आलेल्या नाही, असा टोलाही लगावला.
Discussion about this post