धरणगाव : ट्रक आणि कंटेनर यांची समोरासमोर झालेल्या भीषण अपघात झाला असून यात दोन जण गंभीर जखमी झाले आहे. ही घटना धरणगाव तालुक्यातील मुसळी फाट्याजवळील पुलावर घडली आहे. वाहनांचे पत्रा कापून जखमींना बाहेर काढण्यात आले. यातील एकाला जळगावातील शासकीय वैद्यकीय महाविद्यालयात दाखल करण्यात आले आहे. याबाबत पोलीस ठाण्यात कोणतीही नोंद करण्यात आलेली नाही.
याबाबत अधिक माहिती अशी, राष्ट्रीय महामार्ग क्रमांक ६ वरील धरणगाव तालुक्यातील मुसळी फाटा जवळील पुलावर जळगावकडून येणारा ट्रक क्रमांक (एमएच ४० वाय १३०८) व एरंडोलकडून येणारा कंटेनर (एमएच ४० सीटी ४०३५) यांच्यात समोरासमोर धडक झाली.
या घटनेत दोन्ही वाहनांचे चालक गंभीर जखमी झाले असून त्यांना नागरिकांनी कॅबिनचा पत्रा तोडून बाहेर काढण्यात आले होते. जखमीतील ट्रक चालक अरविंद माधव प्रसाद वय ३९ रा. भोपाल, मध्यप्रदेश याला जळगाव येथील शासकीय वैद्यकीय महाविद्यालयात उपचारार्थ दाखल करण्यात आले आहे. तर दुसर जखमी असलेला अज्ञात चालकाला खासगी रूग्णालयात हलविण्यात आले आहे. या घटनेबाबत पोलीसात कोणतीही नोंद करण्यात आलेली नाही.
Discussion about this post