धरणगाव तालुक्यात एका 16 वर्षीय अल्पवयीन मुलीवर त्याच्या होणाऱ्या पतीकडून लग्नापूर्वीच जबरदस्ती अत्याचार करण्यात आल्याची धक्कादायक घटना समोर आली आहे. मध्यरात्री 12:30 वाजता धरणगाव पोलीस ठाण्यात या प्रकरणात गुन्हा दाखल करण्यात आला आहे.
जामनेर तालुक्यात राहणारा तिच्या चुलत आत्याचा मुलगा याच्याशी या अल्पवयीन मुलीचे लग्न ठरले होते. घरात कोणीही नसताना, तिच्यावर होणारा पती जबरदस्तीने अत्याचार करून गेला. हा प्रकार उघडकीला आल्यानंतर तिच्या आई-वडिलांसह पीडित मुलीने धरणगाव पोलिसात धाव घेऊन तक्रार दिली आहे.
याबाबत धरणगाव पोलीस ठाण्यात सोमवारी मध्यरात्री 12:30 वाजता अज्ञात आरोपीविरोधात गुन्हा दाखल करण्यात आला आहे. सहाय्यक पोलीस निरीक्षक निलेश वाघ यांच्या मार्गदर्शनाखाली पुढील तपास सुरू आहे. पोलीस अधिकाऱ्यांनी आरोपींच्या शोधात प्रयत्न सुरू केले आहेत.या घटनेने स्थानिक समाजात खळबळ माजली आहे. अल्पवयीन मुलींवर होणारे अत्याचार हे एक गंभीर समाजिक समस्या आहे, यावर तात्काळ लक्ष देणे आवश्यक आहे, असे स्थानिक नागरिकांनी सांगितले.
Discussion about this post