नंदुरबार । राज्यात सध्या स्थानिक स्वराज्य संस्थांच्या निवडणुकीची रणधुमाळी सुरू असून नगरपंचायत आणि नगरपालिका निवडणूक पार पडल्यानंतर आता राज्यात जिल्हा परिषद, पंचायत समिती आणि महापालिका निवडणुका लवकरच होण्याची शक्यता आहे. याच दरम्यान अधून मधून नेते मंडळींचा पक्षांतर सुरूच आहे. अशातच खान्देशातील नंदुरबारमध्ये काँग्रेसला मोठा धक्का बसला आहे.
नंदुरबार जिल्ह्यातील काँग्रेस कमिटीचे कार्याध्यक्ष दिलीप नाईक यांनी आपल्या पदाचा राजीनामा दिला आहे. त्यांनी आपल्या पदाचा राजीनामा काँग्रेस प्रदेशाध्यक्ष हर्षवर्धन सपकाळ यांना अधिकृतपणे पाठवला आहे. या राजीनाम्यात त्यांनी प्रकृतीच्या कारणास्तव राजीनामा देत असल्याचं नमूद केलं. त्यांची राजीनाम्याची सध्या चर्चा सुरू आहे.
मात्र, नगरपालिका निवडणुकीचे मतदान संपल्यानंतर आणि जिल्हा परिषद निवडणुकीच्या अगदी काही दिवसांपूर्वीच नाईक यांनी आपल्या पदाचा राजीनामा दिला आहे. यामुळे राजकीय वर्तुळात चर्चांना उधाण आलं आहे. दरम्यान, काँग्रेसच्या स्थानिक संघटनांमध्ये या निर्णयामुळे मोठी खळबळ उडाली असून, येणाऱ्या निवडणुकांवर याचा काय परिणाम होईल, याबाबच राजकीय वर्तुळात कुजबुज सुरू आहे.
Discussion about this post