खळबळजनक! चोपड्यात कौटुंबिक वादातून पत्नीची हत्या; पती पोलिसांच्या ताब्यात

जळगाव : कौटूंबिक वादातून धारदार हत्याराने पत्नीची हत्या करून पती पसार झाला. ही धक्कादायक घटना (Jalgaon) जळगाव जिल्ह्यातील चोपडा तालुक्यातील धनवाडी शिवारात घडली आहे. फरार (Crime News) झालेल्या संशयित आरोपी पतीला पोलिसांनी ताब्यात घेतले आहे.

चोपडा तालुकातील धनवाडी शिवारात घडलेल्या या घटनेत रेखाबाई दुरसिंग बारेला (वय ४४) या महिलेची हत्या झाली आहे. संशयित पती दुरसिंग बारेला यास चोपडा पोलिसांनी ताब्यात घेतले आहे. बारेला दाम्पत्य हे धनवाडी शिवारातील योगीराज पाटील यांच्या शेतात वास्तव्यास होते. दरम्यान रेखाबाई बारेला यांची पती दुरसिंग बारेला याने सोमवारी रात्री उशिरा वादातून हत्या केली. हत्येनंतर संशयित (jalgaon Crime) पसार झाला. मात्र त्यांची मुले आईच्या मृतदेहाजवळ रात्रभर बसून होती. दरम्यान मंगळवारी सकाळी हत्येचा प्रकार समोर आल्यानंतर चोपडा पोलिसांना याबाबत माहिती देण्यात आली.

पतीने पत्नीची हत्या केलेल्या घटनेची उकल २४ तासात करीत आरोपी पाटील पोलिसांनी अटक केली आहे. याप्रकरणी चोपडा पोलिसात गुन्हा दाखल करण्याचे काम सुरू असून चोपडा शहर पोलिस ठाण्याचे पोलिस उपनिरीक्षक घनश्याम तांबे, दीपक विसावे, संतोष पारधी, ज्ञानेश्वर जवागे, गणेश सोनवणे यांनी ही कारवाई केली आहे.