चांद्रयान-3 ने चंद्राचा नवा व्हिडिओ पाठवला, इस्रोने लँडिंगचे मोठे अपडेटही दिले

नवी दिल्ली । इस्रोच्या चांद्रयान-३ मोहिमेकडे भारतासह संपूर्ण जगाचं लक्ष लागलं आहे. दरम्यान, चांद्रयान 3 च्या लँडिंगला एक दिवस बाकी असताना इस्रोने आणखी एक व्हिडीओ शेअर केला आहे.

भारतीय अंतराळ संशोधन संस्था (ISRO) ने सांगितले की चांद्रयान-3 मोहीम वेळापत्रकानुसार प्रगती करत आहे. येथील ‘इस्रो टेलिमेट्री, ट्रॅकिंग अँड कमांड नेटवर्क’ (ISTRAC) मध्ये असलेल्या ‘मिशन ऑपरेशन्स कॉम्प्लेक्स’मध्ये उत्साहाचे वातावरण असल्याचे स्पेस एजन्सीने सांगितले.
https://twitter.com/isro/status/1693879632481935555
इस्रोने आज दुपारी भारताच्या चंद्रावरील तिसऱ्या मोहिमेची ताजी माहिती दिली. ते म्हणाले की, ‘मोहीम वेळापत्रकानुसार प्रगती करत आहे. यंत्रणांची नियमित तपासणी केली जात आहे. सुरळीत कामकाज चालू आहे.

इस्रोने सांगितले की, MOX/ISTRAC वरून चंद्राच्या पृष्ठभागावर चांद्रयान-3 लँडिंगचे थेट प्रक्षेपण बुधवारी संध्याकाळी 5.20 वाजल्यापासून सुरू केले जाईल. लँडर (विक्रम) आणि रोव्हर (प्रज्ञान) यांचा समावेश असलेले लँडर मॉड्यूल बुधवारी संध्याकाळी 6.45 वाजता चंद्राच्या पृष्ठभागाच्या दक्षिण ध्रुवीय क्षेत्राजवळ सॉफ्ट लँडिंग करणे अपेक्षित आहे. चांद्रयानच्या लँडरने सुमारे 70 किमी अंतर कापले आहे. लँडर पोझिशन डिटेक्शन कॅमेरा (LPDC) च्या उंचीवरून चंद्राची काही छायाचित्रे पाठवण्यात आली आहेत, जी इस्रोने शेअर केली आहेत. लँडर मॉड्यूलला त्याची स्थिती निश्चित करण्यात मदत करण्यासाठी LPDC प्रतिमा ऑनबोर्ड चंद्र नकाशाशी जुळल्या आहेत.