जळगाव । जळगावमधील आहुजा नगर ते द्वारका नगर या थांब्यादरम्यान प्रवाशांनी खचाखच भरलेल्या एसटी बसला ट्रकने कट मारल्याने बस खड्ड्यात अडकली. बस झाडाझुडपांमध्ये अडकल्यामुळे मोठी दुर्घटना टाळली. एसटी बसमधील प्रवाशाचं नशीब बलवत्तर होतं म्हणून सुदैवाने मोठा अनर्थ टळला. या अपघातानंतर ट्रक चालकावे घटनास्थळावरून पळ काढला. पोलिसांनी त्याच्याविरोधात तक्रार दाखल केली असून शोध घेतला जातोय.
निंभोरेहून जळगावला येणारी एसटी बस आहुजा नगर स्टॉपजवळ आली होती. त्याचवेळ ट्रकने कट मारला. ट्रकने कट मारल्यामुळे एसटी चालकाचा संयम सुटला. एसटी बस समांतर रस्त्याच्या खड्ड्यात उतरली. सुदैवाने बस झाडाझुडपांमध्ये अडकली आणि मोठा अनर्थ टळला. कारण, बस ज्या खड्यावर अडकली तो खड्डा मोठा होता. प्रवाशांचे दैव बलवत्तर होतं म्हणून दुर्घटना टळली.
बस पलटी होऊन खड्ड्यात पडली असती तर मात्र मोठी दुर्घटना झाली असती. बसमध्ये ४० ते ५० प्रवासी होते, मात्र कुणालाही दुखापत झाली नाही. ट्रक चालक घटनास्थळावरून फरार झाला आहे. अपघातामुळे प्रवासी व चालक-वाहक घाबरले होते. घटनास्थळी बघ्यांची मोठी गर्दी जमली होती. चालक रमेश चौधरी आणि वाहक गोपाल सूर्यवंशी यांनी बसमधील प्रवाशांना धीर दिला.
Discussion about this post