बीआरएसच्या आमदार लस्या नंदिता यांचा रस्ता अपघातात मृत्यू

तेलंगणातील सिकंदराबाद कॅन्टोन्मेंटमधील बीआरएस आमदार लस्या नंदिता यांचा शुक्रवारी सकाळी रस्ता अपघातात मृत्यू झाला. शुक्रवारी सकाळी त्यांची कार पाटनचेरू ओआरआर जवळ दुभाजकाला धडकली. ज्यात त्यांचा जागीच मृत्यू झाला. या अपघातात आमदाराचा चालक जखमी झाला आहे.

विधानसभा निवडणुकीत सिकंदराबाद कॅन्टोन्मेंट मतदारसंघातून विजय मिळवून लस्या नंदिता तेलंगणा विधानसभेत पोहोचल्या होत्या. त्याचे वडील सायन्ना हे सिकंदराबाद मतदारसंघातून पाच वेळा आमदार होते, पण १९ फेब्रुवारी २०२३ रोजी आजारपणामुळे त्यांचे निधन झाले. त्यांना तीन मुली होत्या, त्यापैकी लस्या नंदिता ही सर्वात मोठी होती. बीआरएसने 30 नोव्हेंबर रोजी झालेल्या विधानसभा निवडणुकीत लस्या नंदिता यांना उमेदवारी दिली होती.

तेलंगणाचे मुख्यमंत्री रेवंत रेड्डी यांनी बीआरएस आमदार लस्या नंदिता यांच्या निधनावर शोक व्यक्त केला आहे. त्यांनी ट्विटमध्ये म्हटले आहे की, आमदार लस्या नंदिता यांच्या अकाली निधनाने मला खूप मोठा धक्का बसला आहे. नंदिताचे वडील दिवंगत सायन्ना यांच्याशी माझे जवळचे नाते होते. गेल्या वर्षी याच महिन्यात त्यांचे निधन झाले. हे अतिशय दुःखद आहे. त्याच महिन्यात नंदिताचेही आकस्मिक निधन झाले. तिच्या कुटुंबीयांप्रती माझ्या मनापासून संवेदना. त्यांच्या आत्म्याला शांती लाभो हीच ईश्वर चरणी प्रार्थना.”