भारत इलेक्ट्रॉनिक्स लिमिटेडमध्ये भरती निघाली आहे. ट्रेनी इंजिनियर पदांसाठी ही भरती होणार असून यासाठी पात्र उमेदवारांकडून अर्ज मागविले जात आहे. ६१० पदांसाठी ही भरती होणार आहे. भारत इलेक्ट्रॉनिक्स लिमिटेड (BEL) सोबत काम करण्याची ही एक सुवर्णसंधी तुमच्याकडे आहे.
या नोकरीसाठी अर्जप्रक्रिया सुरु देखील झाली आहे. या नोकरीसाठी तुम्ही bel-india.in वर जाऊन अर्ज करायचा आहे. अर्ज करण्याची शेवटची तारीख ७ ऑक्टोबर २०२५ आहे.
पात्रता
भारत इलेक्ट्रॉनिक्स लिमिटेडमधील ट्रेनी इंजिनियर पदासाठी उमेदवारांनी मान्यताप्राप्त विद्यापीठातून बीई, बीटेक किंवा बीएससी पदवी प्राप्त केलेली असावी. याचसोबत विविध विभागातील पदासाठी पात्रता वेगवेगळी असणार आहे. याबाबत सविस्तर माहिती अधिकृत वेबसाइटवर देण्यात आली आहे.
पगार
या नोकरीसाठी अर्ज करणाऱ्या उमेदवाराची वयोमर्यादा २८ पेक्षा जास्त नसावी. राखीव प्रवर्गातील उमेदवारांना वयोमर्यादेत सूट देण्यात आली आहे. या नोकरीसाठी निवड झाल्यावर उमेदवारांना ३०,००० रुपये पगार मिळणार आहे. दुसऱ्या वर्षी ३५,००० रुपये आणि तिसऱ्या वर्षी ४०,००० रुपये पगार मिळणार आहे.
या नोकरीसाठी उमेदवारांची निवड लेखी परीक्षेद्वारे होणार आहे. ही लेखी परीक्षा ९० मिनिटांची असणार आहे. याचसोबत या परीक्षेत निगेटिव्ह मार्केटिंगदेखील असणार आहे. या नोकरीसाठी अर्ज करताना सामान्य प्रवर्गातील उमेदवारांना १७७ रुपये शुल्क भरायचे आहे. राखीव प्रवर्गातील उमेदवारांना कोणतेही शुल्क भरायचे नाही.
Discussion about this post