बुलढाणा । अवैध मार्गाने तोडलेल्या झाडांची वाहतूक करण्यासाठी १५ हजारांची लाच घेताना बुलढाण्यातील सहायक वन संरक्षक अधिकारी अश्विनी आपटे एसीबीच्या जाळ्यात अडकली. तर तिच्यासोबत लिपिक अमोल मोरे यालादेखील लाचलुचपत विभागाने अटक केली. या कारवाईने लाचखोरांच्या गोटात खळबळ उडाली आहे.
वनविभागाच्या हद्दीतील तोडलेल्या झाडांची वाहतूक करण्यासाठी अश्विनी आपेट हिने ३० हजारांची लाच मागितली होती. त्यातील अॅडव्हान्स म्हणून १५ हजार रुपये स्वीकारतानाच ही कारवाई करण्यात आली. अश्विनी आपटे बुलढाणा वनविभागात सहायक वन संरक्षक अधिकारी म्हणून कार्यरत आहे. मागील वर्षीच तिला सहायक वन संरक्षक अधिकारी पदाची बढती मिळाली होती. परंतु अश्विनी आपटे हिच्याबद्दल पैशासंबंधी अनेक तक्रारी वरिष्ठ अधिकाऱ्यांकडे गेल्या होत्या. पण वरिष्ठांनी त्यावर कोणतीही कारवाई केली नव्हती. आता अखेर लाचलुचपत प्रतिबंधक विभागाने कारवाई करत तिला लाच घेताना रंगेहात पकडलं.
हाताखालच्या कर्मचारी, अधिकाऱ्यांना ती पैसे गोळा करण्यासाठी दबाव टाकायची अशी माहिती आहे. अश्विनी आपटे हिची सुरुवातीची पोस्टिंग बीड जिल्ह्यातील केज रेंजमध्ये झाली होती. त्यावेळीही तिने असे अनेक प्रकार केले होते अशी माहिती सुत्रांनी दिलीय.
Discussion about this post