एप्रिल महिन्यात तब्बल इतके दिवस बँका बंद राहतील : पहा सुट्टयाची लिस्ट

मुंबई : आर्थिक महिना म्हणजे मार्च महिना संपायला आता फक्त २ दिवस उरले आहेत. यानंतर नवीन आर्थिक वर्ष म्हणजेच एप्रिल महिन्याला सुरुवात होईल. दरम्यान, एप्रिलमध्ये बँका किती दिवस सुरू राहतील हे जाणून घेणे महत्त्वाचे आहे. हा गोंधळ दूर करण्यासाठी आरबीआयने सुट्ट्यांची यादी जाहीर केली आहे. मात्र, बँकिंगशी संबंधित सर्व कामे ऑनलाइन सुरू राहतील. असे असूनही अनेक कामे अशी आहेत जी बँकेत गेल्याशिवाय पूर्ण होऊ शकत नाहीत.

आरबीआयच्या बँक हॉलिडे लिस्टनुसार पुढील महिन्यात 14 दिवस बँका बंद राहतील. त्यामुळे सुट्ट्यांची यादी न तपासता बँकेशी संबंधित कामाचे नियोजन करणे अडचणीत येऊ शकते.

कोणत्या दिवशी बंद राहणार बंद
1 एप्रिल 2024: जेव्हा जेव्हा आर्थिक वर्ष संपते तेव्हा बँकेला संपूर्ण आर्थिक वर्षासाठी खाते बंद करावे लागते. आगरतळा, अहमदाबाद, बेलापूर, बेंगळुरू, भोपाळ, भुवनेश्वर, चेन्नई, डेहराडून, गुवाहाटी, हैदराबाद – आंध्र प्रदेश आणि तेलंगणा, इम्फाळ, इटानगर, जयपूर, जम्मू, कानपूर, कोची, कोहिमा, लखनौ, मुंबई, नागपूर, नवी दिल्ली, पणजी, पाटणा, रायपूर, रांची, श्रीनगर आणि तिरुवनंतपुरम येथे बँका बंद राहतील.
5 एप्रिल 2024: बाबू जगजीवन राम यांच्या जयंती आणि जुम्मत-उल-विदा निमित्त तेलंगणा, जम्मू आणि श्रीनगरमध्ये बँका बंद राहतील.
9 एप्रिल 2024: बेलापूर, बेंगळुरू, चेन्नई, हैदराबाद, इंफाळ, जम्मू, मुंबई, नागपूर, पणजी आणि श्रीनगरमध्ये गुढीपाडवा/उगादी सण/तेलुगु नववर्ष आणि पहिल्या नवरात्रीच्या निमित्ताने बँका बंद राहतील.
10 एप्रिल 2024: कोची आणि केरळमध्ये ईदमुळेन बँका बंद राहील.
11 एप्रिल 2024: ईदमुळे देशभरात अनेक बँका बंद राहतील, परंतु, चंदीगड, गंगटोक, इंफाळ, कोची, शिमला, तिरुअनंतपुरम या बँका खुल्या राहतील.
15 एप्रिल 2024: हिमाचल दिनानिमित्त गुवाहाटी आणि शिमला बँका बंद राहतील.
17 एप्रिल 2024: रामनवमी 17 एप्रिल रोजी आहे. रामनवमीच्या मुहूर्तावर अहमदाबाद, बेलापूर, भोपाळ, भुवनेश्वर, चंदीगड, डेहराडून, गंगटोक, हैदराबाद, जयपूर, कानपूर, लखनौ, पाटणा, रांची, शिमला, मुंबई आणि नागपूरमध्ये बँका उघडणार नाहीत.
20 एप्रिल 2024: गर्या पूजेच्या निमित्ताने आगरतळामध्ये बँका बंद राहतील.
या दिवशी देशातील सर्व बँका बंद राहणार –
प्रत्येक महिन्याच्या रविवारी, दुसरा शनिवार आणि चौथा शनिवारी बँका बंद राहतात. एप्रिलमध्ये देशातील सर्व बँका 7 एप्रिल (रविवार), 13 एप्रिल (दुसरा शनिवार), 14 एप्रिल (रविवार), 21 एप्रिल (रविवार), 27 एप्रिल (4 था शनिवार) आणि 28 एप्रिल (रविवार) रोजी बंद राहतील.