मुंबई । भाजप आमदार गणपत गायकवाड यांनी शिवसेना शिंदे गटाचे कल्याणचे शहर प्रमुख महेश गायकवाड यांच्यावर पोलीस ठाण्यातच गोळ्या झाडल्या होत्या. त्या प्रकरणात गायकवाड यांना अटक करण्यात आली आहे. आता आणखी एक गुन्हा त्यांच्यावर दाखल झाला आहे.
गणपत गायकवाड यांच्यासह आठ जणाविरोधात उल्हासनगर-हिल लाईन पोलीस ठाण्यात ॲट्रॉसिटीअंतर्गत गुन्हा दाखल करण्यात आलं आहे. हा गुन्हा शेतकऱ्यांनी दाखल केला आहे.
आमदार गणपत गायकवाड यांनी 31 जानेवारी रोजी दुपारी 1.00 वाजेता जातीवाचक शिविगाळ केली, असा आरोपी शेतकऱ्यांनी केला. त्यामुळे त्यांच्यासह जितेंद्र पारीक, विठ्ठल चिकणकर, शिवाजी फुलोरे, सौरभ सिंग, छोटू खान, चंद्रकांत ओल, नगेश वारघेट यांच्यावर गुन्हा दाखल केला आहे.
नीता एकनाथ जाधव यांनी दिलेल्या तक्रारीत म्हटले आहे की, 31 जानेवारी रोजी गणपत गायकवाड आणि इतरांनी आमच्या जागेवर कंपाउंड करण्याचे काम सुरु केले. आम्ही त्यांना जाब विचारला तेव्हा आमदार गणपत गायकवाड यांनी आम्हास मारण्यासाठी फावड्याचा दांडका उचलला. त्यानंतर जातीवाचक शिविगाळ केली. तुम्ही तुमच्या जमिनीकरीता कोणत्याही कोर्टामध्ये जा, आम्ही ते घेऊ. असे बोलून पाणउतारा केला.
तसेच त्यांच्यासोबत असलेल्या अनेकांनी जातीवाचक शिवीगाळ केली. या प्रकरणात हिललाईन पोलीस ठाण्यात आमदार गायकवाड यांच्यासह आठ जणांविरुद्ध अॅट्रोसिटी अॅक्टअंतर्गत गुन्हा दाखल करण्यात आला आहे.
Discussion about this post