मुंबई: अजित पवार यांनी आज राज्याच्या उपमुख्यमंत्रिपदाची शपथ घेतली असून त्यांच्यासोबत राष्ट्रवादीच्या आठ आमदारांनी देखील मंत्रिपदाची शपथ घेतली आहे. मुंबईतील राजभवनात हा शपथविधी सोहळा पार पडला. यात अमळनेर मतदार संघातील आमदार अनिल पाटील यांची देखील मंत्रीपदी वर्णी लागली आहे. त्यांनी देखील आज मंत्रिपदाची शपथ घेतली.
अजिप पवारांसोबत राष्ट्रवादीचा एक गट शिंदे-फडणवीस सरकारसोबत सामील झाला आहे. त्यामुळे शरद पवार यांना हा मोठा धक्का मानला जात आहे.
राष्ट्रवादीचे 40 आमदार आपल्यासोबत असल्याचा दावा भाजपचे प्रदेशाध्यक्ष चन्द्रशेखर बावनकुळे यांनी केला आहे. मात्र राष्ट्रवादीचे फक्त आमदारचं नव्हे तर 2 खासदार देखील अजित पवारांच्यासोबत गेले आहेत. सध्या राजभवनात खासदार सुनील तटकरे आणि अमोल कोल्हे हे दोन्ही खासदार उपस्थित आहे.
दरम्यान आज अजित पवार यांनी मुख्यमंत्री पदाची शपथ घेतली असून त्यांच्यासोबत सोबतच छगन भुजबळ, दिलीप वळसे, धनंजय मुंडे, हसन मुश्रीफ, अनिल पाटील, धर्मरावबाबा अत्राम अदिती तटकरे आणि संजय बनसोडे यांनी शपथ घेतली
Discussion about this post