मुंबई । महाराष्ट्राच्या राजकीय इतिहासात 2019 मधील सकाळच्या शपथविधीचा प्रसंग एक अनोखा आणि विवादास्पद अध्याय म्हणून समजला जातो. या घटनेचे पडसाद अजूनही महाराष्ट्राच्या राजकीय वातावरणात जाणवतात. आता सध्या राज्यात २०२४ विधानसभा निवडणुकीची रणधुमाळी सुरु असून यातच उपमुख्यमंत्री अजित पवार यांनी या शपथविधीबाबत एक मोठा गौप्यस्फोट केला आहे. उद्योगपती गौतम अदानी पाच वर्षांपूर्वी भाजप आणि अविभाजित शरद पवार यांच्या नेतृत्वाखालील राष्ट्रवादी काँग्रेस यांच्यातील राजकीय चर्चेचा भाग होते, असे अजित पवार म्हणाले.
फडणवीस यांच्यासोबत घेतलेल्या सकाळच्या शपथ विधीबद्दलही अजित पवारांनी खुलासा केला. पाच वर्षे झाली, मीटिंग कुठे झाली हे सगळ्यांना माहीत आहे, ती दिल्लीत एका व्यावसायिकाच्या घरी होती, सर्वांना माहिती आहे. पाच बैठका झाल्या. अमित शहा, गौतम अदानी, प्रफुल्ल पटेल, देवेंद्र फडणवीस, शरद पवार सगळे होते.
सगळे ठरले होते. मात्र त्यानंतर जे घडले त्याचा दोष माझ्यावर टाकण्यात आला. मी दोष घेतला आणि इतरांना सुरक्षित केले असेही अजित पवार म्हणाले. शरद पवार नंतर भाजपसोबत का गेले नाही असे विचारले असता, पवार साहेबांचं मन कोणीही वाचू शकत नाही. आमच्या मावशी (शरद पवार यांच्या पत्नी प्रतिभा पवार) किंवा आमची बहिण सुप्रिया देखील नाही, असे अजित पवार म्हणाले.
राष्ट्रवादी काँग्रेस आणि भाजपमधील वैचारिक विसंगती आणि ते असूनही ते भाजपसोबत गेल्याबद्दल विचारले असता, ते म्हणाले की, 2014 मध्ये राष्ट्रवादी काँग्रेसने बाहेरून पाठिंबा जाहीर केल्यानंतर भाजपने महाराष्ट्रात सरकार स्थापन केले. अजित पवार म्हणाले की, 2014 च्या विधानसभा निवडणुकीचे निकाल आले तेव्हा राष्ट्रवादीचे प्रवक्ते प्रफुल्ल पटेल यांनी जाहीर केले की आम्ही भाजपला बाहेरून पाठिंबा देऊ
Discussion about this post