कोल्हापूर । येत्या दोन तीन महिन्यात राज्यातील विधानसभा निवडणूक होणार आहे. यासाठी आतापासूनच सगळे पक्ष कामाला लागला आहे. मात्र यातच अजितदादांना राष्ट्रवादीला मोठे खिंडार पडण्याची शक्यता आहे. कोल्हापुर येथील अजित पावर यांच्या राष्ट्रवादी पक्षाचे प्रदेश उपाध्यक्ष तथा कोल्हापूर जिल्हाध्यक्ष ए वाय पाटील शरद पवार यांच्या राष्ट्रादीत प्रवेश करण्याची दाट शक्यता आहे. कोल्हापुरात तशा हालचाली सुरू आहेत.
अजित पवार गटाचे कोल्हापूरचे जिल्हाध्यक्ष ए वाय पाटील यांनी शरद पवार यांची भेट घेतली आहे. शरद पवार यांनी अलिकडच्या काळात दोन वेळा कोल्हापूरचा दौरा केला. या दोन्ही दौऱ्यांत ए वाय वाटील यांचा सहभाग होता. ए वाय पाटलांच्या भेटीनंतर ते शरद पवार यांच्यासोबत जाण्यावर शिक्कामोर्तब झाल्याचं म्हटलं जातंय.
तर दुसरीकडे ए वाय पाटील यांच्यानंतर माजी आमदार के पी पाटील यांनीदेखील शरद पवार यांची भेट घेतली आहे. महाविकास आघाडीकडून लढण्यावर के पी पाटील हे ठाम आहेत. कोल्हापुरातील राधानगरी-भुदरगडची जागा कोणत्या पक्षाकडे जाते यावर के पी पाटील यांचा निर्णय अवलंबून असेल. के पी पाटील कार्यकर्त्यांचा मेळावा घेऊन पुढील दिशा जाहीर करणार आहेत. त्यामुळे आता कोल्हापूरच्या राजकारणात नेमके काय घडणार? शरद पवार यांचा राजकीय डावपेच यशस्वी ठरणार का? अजित पवार यांच्या पक्षाला खिंडार पडणार का? असे अनेक प्रश्न आता विचारले जात आहेत.
Discussion about this post